Në këtë postim do të listojmë disa këshilla se si të dizenjoni blogun tuaj në mënyrë që të sjellë rezultatet e kërkuara.

1. Zgjidhni një dizanj të thjeshtë

Këtu janë disa shembuj që duhet të ndiqni :

Mos përdorni shumë ngjyra të ndryshme (zakonisht vetëm dy ose tre ngjyra)

Faqet e internetit më të mira përdorin vetëm një ose dy lloje shkrimesh.

Bëjeni navigimin të lehtë për vizitorët tuaj në mënyrë që ata të gjejnë atë që po kërkojnë.

Përdorni video për t’u shpjeguar më mirë vizitorëvë shërbimin tuaj.

2. E optimizuar për pajisjet mobile

Një faqe duhet të duket po aq mirë në një telefon celular ose tabletë siç duket në një monitor desktop.

Deri në vitin 2018, mbi gjysma (58%) e vizitave në faqe ishin nga pajisjet celulare në vend të desktopëve tradicional. Gjithnjë e më shumë përdorues po vizitojnë faqet nga telefonat dhe tabletët e tyre.

Nëse doni më shumë vizitorë të kënaqur atëherë faqja juaj duhet të jetë e optimizuar për pajisjet mobile.

Për fat të mirë, ka qindra tema të optimizuara në dispozicion për WordPress. Një temë e optimizuar do të ndihmojë që faqja juaj të duket mirë për çdo klient.

3. Përfshini butona thirrje për veprim(CTA)

Kur dikush viziton blogun tuaj, ju duhet t’i inkurajoni ata të ndërmarrin një hap tjetër. Pavarësisht nëse dëshironi që ata të regjistrohen në një buletin, të bëjnë një blerje ose të bashkohen si anëtare, duhet ta bëni procesin e lehtë dhe të qartë.

Vendosni butona CTA(call to action). Kjo do të inkurajojë përdoruesin të veprojë.

Sigurohuni që ta vendosni atë në faqen kryesore. Një klikim i vetëm e çon përdoruesin aty ku ju dëshironi.

4. Përmbajtja është e rëndësishme

Nëse doni të hartoni një blog që të ketë sukses, duhet të përqendroheni më shumë në përmbajtjen e saj.

Blogjet më të mira janë ato që azhurnohen shpesh dhe paraqesin informacione përkatëse në një format lehtësisht të lexueshëm.

Stili i shkrimit tuaj mund të varet më së shumti nga audienca juaj e dëshiruar, por sigurohuni që të jetë i shkruar mirë.

Ri-lexoni dhe modifikoni postimet tuaja në blog përpara se t’i botoni.

Si fillim, krijoni një listë idesh dhe temash për të cilat mund të shkruani. Më pas mundohuni të postoni përmbajtje të reja në mënyrë që t’i mbani lexuesit të përditësuar.

Në vend që të botoni disa artikuj menjëherë, ju mund t’i planifikoni që ato të postohen automatikisht në datat / orët e ardhshme.

Sigurohuni që postimi që po bëni është i rëndësishëm për blogun/audiencën tuaj.

5. Shtoni kategori

Shtimi i kategorive në blog është një mënyrë e shpejtë dhe e thjeshtë për t’i drejtuar përdoruesit tuaj drejt temave që ata janë të interesuar.

Sigurohuni që kategoritë tuaja të jenë të lehta për tu gjetur dhe përdorur.

Përdorni emrat e kategorive që paraqesin qartë atë që tregojnë.

Me shumë mundësi keni dëgjuar se në blog mund të fitoni para. Por si mund ta bëni këtë?  

Këtë do e shpjegojmë tani!

Si i bëjnë blogerët paratë?

Blogerët më të suksesshëm e përdorin blogun e tyre si një punë me kohë të plotë pasi krijojnë goxha të ardhura.

Këto para vijnë nga reklamat, affiliate marketing, shitjen e produkteve digjitale ose fizike ose ofrimin e shërbimeve. Këto do i shikojmë në detaje më poshtë.

Sa para bëjnë blogerët?

Kjo varion. Disa blogerë bëjnë miliona dollarë në vit, të tjerë të ardhura të konsiderueshme disa bëjnë më pak, dhe disa nuk bëjnë fare.

Nuk është e garantuar se sa para bën me një blog.

Cilat janë mënyrat për të bërë para

Ka 4 burime kryesore:

1. Reklama dhe përmbajtja e sponsorizuar
2. Marketingu Affiliate
3. Produkte dixhitale
4. Produkte fizike

1. Reklama dhe përmbajtja e sponsorizuar

Kompanitë duan të shfaqin sa më shumë produktet dhe shërbimet e tyre para klientëve potencialë. Ata mund të jenë të interesuar të reklamojnë në blogun tuaj nëse lexuesit tuaj janë klientët e tyre idealë. Këtu janë disa mënyra për të inkorporuar reklamat në blogun tuaj:

Giveaways & Reviews – Kompanitë ju ofrojnë produktin falas dhe ju e reklamoni atë produkt në blogun tuaj.

Postimet e sponsorizuara ose të nënshkruara – Kompanitë ju paguajnë për të shkruar mesazhe që përmendin ato ose produktin e tyre.

Video – Reklamat në email, mini reklama video ose episode podcast.

Reklamimi kërkon trafik për të qenë vërtetë fitimprurës. Gjithashtu, ai rrezikon të bezdisë lexuesit tuaj nëqoftëse keni shumë reklama.

2. Marketingu Affiliate

Si një affiliate marketer, ju promovoni produktin apo shërbimin e dikujt tjetër për lexuesit tuaj. Ju vendosni link në produktin ose shërbimin. Kur dikush klikon në atë link dhe bën një blerje (ose plotëson një veprim të dëshiruar të vendosur nga kompania), ju fitoni një komision.

Marketingu i Affiliate është shumë fitimprurës.

3. Produktet digjitale

Një produkt digjital është një produkt jo-fizik. Këto produkte shpesh vijnë në formën e skedarëve të shkarkueshëm ose të transmetueshëm, të tilla si MP3, PDF, video, shtojca etj.

Shumë blogerë shesin produktet e tyre digjitale. Produktet digjitale janë një zgjedhje shumë e mirë sepse nuk kërkojnë inventar dhe nuk kanë risk të lartë. J’a disa ide:

Ecourses- Mësojini të tjerët atë që dini dhe shiteni si shërbim.

Ebooks- Publikimi i shkrimeve online është shumë fitimprurës.

Fotografitë – Shumë fotografë i shesin fotot e tyre online.

Ka pafund mënyra që mund të krijoni produktet tuaja digjitale dhe t’i shisni. Me pak zgjuarsi dhe kohë, mund t’i shërbeni produkte digjitale që më pas do t’ju sjellin shumë të ardhura.

4. Produktet fizike

Disa blogerë shesin produkte fizike. Disa shembuj:

Libra – Shumë blogerë janë bërë autorë për shkak të blogjeve të tyre.

Produkte të bëra më dorë– Nëqoftëse jeni krijues mund t’a përdorni si një ide shumë të mirë.

Produkte të gatshme – Shumë blogerë gjejnë një prodhues për ta bërë idenë e tyre një realitet.

Shitje me pakicë – Ju mund të blini produkte dhe t’i shisni.

Shumë blogerë kanë filluar shitjen e produkteve fizike vitet e fundit. Mund të jetë fitimprurës, por mund të komplikohet me prodhimin, mbajtjen e inventarit, transportin, kthimet, etj.

Blog-u, si platformë dhe dimension, është i tillë që të lejon të komunikosh drejt-për-drejtë me lexuesin dhe klientin, jo vetëm në një format zyrtar por edhe jo-zyrtar, pasi mbi të gjitha të lejon të tregosh edhe fytyrën dhe zërin e personave që e mirëmbajnë dhe që sigurisht punojnë vazhdimisht pas kuintave për mbarëvajtjen e gjithçkaje tjetër.

Synimet e këtij blogu

Dëshira dhe synimi primar i këtij blogu është ideja e ofrimit të këshillave dhe sugjerimeve praktike për të gjithë ju si përdorues të internetit në përgjithësi, dhe persona që merreni direkt me mirëmbajtën e faqes(ve) të internetit apo që po kërkoni shërbime që janë në funksion të projekteve dhe punëve të tjera që ju bëni online.

Në të njëjtën kohë, synimi tjetër është ofrimi i platforme informimi dhe mbështetje për klientët tanë ekzistues dhe ata të interesuar në shërbimet që ne ofrojmë.

Por, ky blog nuk do jetë aspak i kufizuar dhe i orientuar vetëm te nevojat e klientëve tanë, por do përpiqet të bëhet një zë, një burim, një forum i orientuar nga nevoja për të komunikuar, informuar dhe t’ju fuqizuar ju lexuesit në procesin e vendimmarrjes dhe rritjes tuaj.

Jemi të vetëdijshëm që asgjë e mirë nuk bëhet vetë, ndaj ju sigurojmë se do jemi duke kërkuar mbështetjen dhe përfshirjen tuaj të vazhdueshme me komente, sugjerime dhe ide të tjera që do t’i zbulojmë së bashku gjatë këtij rrugëtimi që sapo ka filluar.

Së shpejti,

Elvisi & Adioni