Plani juaj i hostit vepron si bazë për shtëpinë tuaj në internet. Nëse nuk është i fortë, redizajni juaj thjesht nuk do të jetë aq i suksesshëm sa duhet. Mos kini frikë të vendoseni në një host me reputacion më të lartë, me tiparet më të mëdha në rast se trafiku i faqes suaj sa vjen e rritet.

Ne jemi këtu për t’ju ndihmuar gjatë procesit. Le të fillojmë!

1. Vendoseni sitin tuaj nën një filtër. Çfarë punon dhe çfarë jo?

Rishqyrtoni gjithçka – ridizajnet e faqeve nuk bëhen shpesh, kështu që këtu është shanci juaj për ta bëre drejtë. Shikoni se cilat faqe janë më të vizituarat dhe analizoni nga ku vijnë vizitorët tuaj dhe ku shkojnë. Faqet me numrin më të ulet të vizitorëve do të zbulojnë se ku duhet të përqendroheni më shumë në ridizenjimit, ndërsa faqet që krijojnë trafik dhe konvertohen duhet të optimizohen edhe më tej.

Përtej eksplorimit të thellësive të përmbajtjes tuaj aktuale dhe komponentëve të dizajnit, ridizejnimi i një faqeje interneti është gjithashtu një shans për të matur efektivitetin e përdorshmërisë dhe karakteristikat e performancës. Jeni të kënaqur me sistemin tuaj të menaxhimit të përmbajtjes, apo do të dëshironit të ndryshonit në diçka të re?

2. Gjeni frymëzimin dhe kohen tuaj: Cilat mjete mund t’ju ndihmojnë të keni sukses mË shpejt?

Shumica e projektuesve dhe zhvilluesve tentojnë të shpenzojnë më shumë kohë në fazën e projektimit të rindërtimit të sitit. Kush nuk do të dëshironte të kalonte orë duke luajtur me paleta me ngjyra, tipografi dhe veçori të tjera të dizajnit interaktiv? Opsionet janë të pafundme – dhe ky është problemi.

Lini krenarinë tuaj të programimit mënjanë vetëm për disa minuta dhe shikoni disa opsione të ndërtuesve të faqes. Fillimisht të krijuara për të ndihmuar fillestarët, redaktorët e drag-and-drop ofrojnë tani mjete të fuqishme që u mundësojnë pronarëve me përvojë të krijojnë faqet e internetit në një kohë shumë të shkurtër.

Cilado platformë që po shqyrtoni për faqen tuaj të re, shumë dizajnerë profesionistë tashmë janë duke hartuar tema moderne me shumë qëllime të njëjta në mendje. Përse të kaloni javë dhe muaj të tërë për krijimet tuaja kur dikush e ka bërë tashmë pjesën më të madhe të punës?

3. Shikoni përtej ngjyrave dhe shkronjave. Si të përmirësoni përmbajtjen tuaj? 

Që një ridizajn i faqes të jetë me të vërtetë i suksesshëm, të gjitha aspektet e prezencës tuaj në internet duhet të përmirësohen.

Përmbajtja juaj shërben si kornizë e shtëpisë suaj në internet, rreth të cilës të gjitha pajisjet janë të varura. Ngjyrat, imazhet dhe tipografia duhet të shërbejnë për të shfaqur pikat e forta të fjalëve dhe mesazheve të markës suaj. Shikoni analizat nëpërmjet ‘google analytics’ për të zbuluar se cilët artikuj dhe faqe marrin më shumë vizitorë.

Në vend që të përdorni tekstin e faqes suaj për tu mburrur për historinë dhe produktet e kompanisë suaj, tregoni se si marka juaj mund t’i ndihmojë përdoruesit të arrijnë diçka ose të zgjidhin një problem.

Gjithashtu, shikoni për mundësitë e përmbajtjes përtej faqes. Postimet në blog, për shembull, janë një mjet fantastik për informimin e përdoruesve potencialë rreth ideve dhe praktikave të reja.

4. Shikoni faqen tuaj në pajisje dhe shfletues të ndryshëm. 

Sapo të rindërtohet pjesa më e madhe e faqes tënde, përsëri duhet të kontrollojmë përvojën tonë të përdoruesit. Jo të gjithë kanë të njëjtin konfigurim si në kompjuteri tuaj , kështu që duhet të llogarisni shfletuesit e ndryshëm, madhësitë e ekranit dhe pajisjet që vizitorët mund të përdorin për të hyrë në faqen tuaj të re.

Zbuloni se çfarë shfletuesish përdor zakonisht audienca juaj. Hapja dhe testimi i faqes suaj në të dy versionet moderne dhe të vjetëruara të Firefox, Chrome, Safari dhe Internet Explorer është një fillim i mirë, por mos hezitoni të shikoni Opera, Edge dhe madje edhe shfletuesin e Facebook për të siguruar që të gjitha bazat tuaja janë të mbuluara. Siguroni që të shikoni optimizimin në iOS dhe Android gjithashtu.

5. Bëni punën tuaj më të dukshme. Si mund t’i arrini njerëzit nëpërmjet fjalëve kyÇe?

Më shumë se gjysma e trafikut tënd ka të ngjarë të vijë nga vizitorët që klikuan në një lidhje me faqen tuaj të internetit që u shfaqën në rezultatet e kërkimit.

Optimizimi i motorëve të kërkimit, ose SEO, është thelbësor. Filloni duke bërë një listë të temave që dëshironi të keni klikime – mund të jenë produkte, shërbime ose tema për të cilat ju shkruani zakonisht. Zhvilloni fraza fjalësh për secilën nga këto tema.

6. Përmirësimi i SEO-it tuaj teknik: Pse A ka Shpejtësia dhe Siguria e Serverit?

Optimizimet e motorëve të kërkimit shtrihen përtej përmbajtjes, titujve, titujve të faqeve dhe etiketave. SEO teknik i referohet elementëve prapa skenës që ndihmojnë motorët e kërkimit të gjejnë dhe të skanojnë faqen tuaj për të mësuar se sa të besueshëm jeni.

Një nga komponentët kryesorë teknik të SEOs është shpejtësia e faqes suaj. Nuk është sekret të thuhet se ngarkesat e faqeve më të mëdha mund të ndikojnë ndjeshëm në trafikun dhe shitjet, por gjithashtu mund të ndikojnë shumë në pozicionin tuaj në rezultatet e kërkimit.

Shumë prej faktorëve të tjerë mund të jenë adresuar tashmë në procesin e ridizenjimit: Optimizimi i faqes në celular është një faktor kryesor në performancën e kërkimit, veçanërisht për kërkimet e bazuara në vendndodhje (mendoni të kërkoni një restorant aty pranë). Një tjetër gjë e rëndësishme është siguria e protokollit HTTPS. Shumë pritës, përfshirë Webhost, u mundësojnë përdoruesve qasje në këtë teknologji duke ofruar certifikata falas SSL.

Nëse keni pyetje apo komente mos nguroni t’i lini ato këtu poshtë te komentet.

Kjo mënyrë ju lejon që të jeni të sigurt që mënyra e instalimit është ajo e duhura.

Gjithashtu, Softaculous ju lejon që t’i bëni edhe përditësimet në të njëjtën mënyrë, duke qenë kështu të sigurt që soft-i që keni instaluar në hostin tuaj funksionon vazhdimisht sipas versionit më të fundit.

Mirëpresim çdo pyetje apo sugjerim tjetër që mund të keni. Shfrytëzoni pjesën e komenteve të këtij postimi për të na shkruar.

Systemi i ri që kemi implementuar ofrohet nga një kompani lider në këtë fushë – R1Soft, që specializohet në ofrimin e shërbimeve të tilla për mbi 250,000 servera në të gjithë botën. Ky shërbim na ndihmon edhe ne si hostues që t’ju ofrojmë të njëjtën garanci edhe klientëve tanë.

Konkretisht, sistemi i ri bën që faqja juaj të ruhet vazhdimisht çdo ditë, për 30 ditët e fundit, që ju ndihmon edhe juve si klient që të mund ta restauroni faqen tuaj, qoftë edhe një dokument të vetëm apo gjithë faqen tuaj, lehtësisht dhe pa i lënë vizitorët tuaj të presin ndërsa ju rikuperoni faqen tuaj.

https://fast.wistia.net/embed/iframe/r0h3yiv09d

Sfida kryesore me domain-et sot është gjetja e adresës që ju intereson pasi adresat me .COM janë ndër më të kërkuarat dhe po ashtu ka ndodhur edhe me ato që përfundojnë me .AL

Por duke qenë se adresat me .AL janë bërë të disponueshme më vonë, normalisht edhe mundësia e gjetjes së adresës së dëshiruar është më e madhe.

Gjithashtu, sugjerohet fort që nëse biznesi, organizata apo projekti juaj është në Shqipëri, atëherë edhe adresa e domain-it tuaj është më mirë të jetë me .AL (p.sh. kompaniajuaj.al / organizata.al / etj.)

Hapat për të regjistruar domain-in e dëshiruar

Hapat e mëposhtëm ju tregojnë se si mund ta bëni lehtësisht regjistrimin e adresave që përfundojnë me .AL .Com, .Net .Org etj. nëpërmjet shërbimit tonë WebHost.al

Sqarim: Ky blog dhe shkrimet tona vijnë si pjesë e shërbimit që ne dua t’u ofrojmë klientëve tanë kështu që rrjedhimisht edhe shembujt në një rast si ky janë direkt nga faqja jonë.

https://www.webhost.al/sq/home.html

0. Zgjidhni gjuhën e faqes

Nëse nuk ndiheni rehat me gjuhën angleze, atëherë sigurohuni që faqja t’ju shfaqet e gjitha në gjuhën shqip, të paktën për pjesën e regjistrimit të domain-it dhe hostit. Në botën e internetit anglishtja apo një gjuhë tjetër është e domosdoshme, ndaj mbase mund t’ju ndihmojë edhe një mik gjatë procesit të regjistrimit që gjithçka të dalë me sukses.

1. Vendosni dhe kërkoni dhe për adresën e dëshiruar

Ndonëse në dukje e vendosja apo zgjedhja e adresës që ju dëshironi mund të jetë e thjeshtë, ajo që ju sugjerojmë është që adresa të jetë sa më i thjeshtë dhe e lehtë për t’u mbajtur mend. Pra, nëse doni që njerëzit ta fiksojnë kollaj dhe ta përdorin adresën tuaj, atëherë sigurohuni që edhe adresa e zgjedhur t’i përshtatet këtyre kritereve të thjeshta por jetike për adresën tuaj virtuale!

Nëse ju e keni zgjedhur adresën, atëherë nuk ju ngelet tjetër veç se të kërkoni për të parë nëse është ose jo e disponueshme për t’u regjistruar.

Nëse adresa që ju kërkoni nuk është e disponueshme, atëherë mendoni për një adresë të ngjashme ose një zgjidhje tjetër të përafërt.

2. Procedoni me porositjen e domain-it

Procedura është mjaft e thjeshtë, mjafton të ndiqni hapat (shihni imazhin). Mbi të gjitha ju mund të vendosni që tani nëse dëshironi ta bëni rinovimin e pagesës së domain-it tuaj një herë në vit ose mund të paguani për disa vite njëherësh.

Gjithashtu, ju mund të zgjidhni të porosisni edhe një apo disa domain-e të tjera për t’u siguruar që ato nuk regjistrohen nga dikush tjetër.

3. Regjistroni informacionet e hostit tuaj (nëse keni)

Nëse i lini të dhënat e “nameservers” ashtu siç janë, atëherë ju lehtësisht mund ta hostoni faqen tuaj në serverin tonë ËehHost.al

Duhet të sqarojmë një detaj shumë të rëndësishëm këtu, pasi tarifa e hostimit është ndryshe nga ajo e regjistrimit të domain-it. Por WebHost.al ofron disa paketa hostimi të cilat e sigurojnë domain-in tuaj “falas” si pjesë e tarifës totale të paketës së hostimit.

Nëse faqja juaj nuk do të hostohet te hosti ynë, atëherë ju duhet të siguroni tani ose më vonë informacionet për “Nameserver” të hostit keni zgjedhur apo dëshironi të zgjidhni më vonë.

4. Shtoni informacionet e kontaktit dhe zgjidhni mënyrën e pagesës

Kjo është edhe pjesa e parafundit për regjistrimin e suksesshëm të domain-it tuaj si dhe krijimin e një llogarie brenda sistemit tonë nga ku mund të kontrolloni të dhënat e domain-it si dhe informacione të tjera që lidhen me hostin, pagesën, etj.

Për sa i përket mënyrave të pagesës, aktualisht ne ofrojmë këto tre mënyra bazë:

• Me PayPal
• Me kartë krediti (interneti)
• Me transfertë bankare (në llogaritë tona)

Nëse keni ndonjë pyetje apo koment tjetër, mund ta lini te po e njëjta faqe përpara se të përfundoni porosinë tuaj.

5. Konfirmoni pagesën & mesazhet konfirmuese

Pasi të keni konfirmuar detajet dhe të keni kryer pagesën tuaj, do t’ju vijnë nga sistemi ynë mesazhet konfirmuese me të dhënat e llogarisë tuaj në sistemin tonë si dhe informacionet e pagesës në rastet kur keni zgjedhur të paguani me “transfertë bankare”.

Në këndvështrimin tonë, pyetja është mjaft e qartë dhe dilema është e thjesht; pse duhet të paguaj për një shërbim hostimi kur shumë prej gjërave që dua të bëj mund t’i realizoj lehtësisht nëpërmjet një shërbimi falas siç është platforma e Google – Blogger.com apo WordPress.com që ofron edhe një nga platformat më të mira CMS për publikimet në internet.

Nga eksperienca mund të themi se shumica e njerëzve e fillojnë aventurën e tyre online duke krijuar një faqe falas nëpërmjet platformave si ato që përmendem pak më sipër. Por me kalimin e kohës, rritjen e nevojave si dhe aftësive teknike, shumica i kalojnë faqet e tyre në platforma apo shërbime hostimi me pagesë ku më pas kanë mundësinë që të rriten dhe të përmbushin më mirë nevojat e tyre online.

Thënë ndryshe; nëse nuk keni krijuar ndonjë herë një faqe apo nuk keni shumë eksperiencë me menaxhimin e faqeve, platformat e hostimit falas, janë mjaft të mira për të krijuar ato aftësitë dhe njohuritë bazë, por nëse e keni kaluar këtë fazë apo thjesht dëshironi të prezantoheni sa më profesionalisht, atëherë duhet të kaloni në diçka me pagesë.

Blerja e një pakete hostimi është diçka relativisht e thjeshtë, dhe po ashtu është edhe krijimi apo ngritja e faqes tuaj, ndonëse kjo mund të jetë teknikisht e vështirë për disa.

Tani përtej sugjerimeve apo komenteve tona, do donim shumë të dëgjonim mendimet, sugjerimet, sfidat dhe avantazhet që kanë këto dy alternativa, pra hostimi falas dhe ai me pagesë i faqes tuaj.

Mirëpresim komentet nga eksperienca juaj.

Ka një numër në rritje personash të cilët kanë regjistruar një adresë me .AL apo .com dhe më pas e kanë lënë atë në pritje. Por nëse ju nuk vendosni të bëni diçka me domain-in tuaj, atëherë ajo adresë është praktikisht ‘pa vlerë’ deri në momentin që ju vendosni të ndërtoni edhe një faqe interneti.

Ndërtimi i faqes në internet ju lejon ta shfrytëzoni në maksimum potencialin informues dhe ekonomik të adresës që keni zgjedhur për biznesin, organizatën apo qoftë edhe për hobin tuaj.

Por kjo, me sa duket, është edhe pjesa më e vështirë për ata prej jush të cilët dukshëm nuk kanë arritur ta realizojnë synimin e tyre pasi e kanë lejuar adresën e tyre, jo vetëm që të qëndrojë bosh (pa një faqe interneti), por madje edhe të skadojë fare si domain (shih shembuj te faqja Expired.al).

Në gjykimin tonë, pengesat apo sfidat kryesore janë dy:

1. Zgjedhja e paketës së hostimit
2. Ndërtimi i faqes tuaj në internet

Fillimisht, duhet të pranojmë se ‘sfida e parë’ (hostimi) është më e lehtë se sa ajo e dyta (ndërtimi i faqes në internet). Prandaj, do përpiqemi t’ju japim disa këshilla praktike se si mund ta vini në jetë potencialin e domain-it që ju keni regjistruar.

Zgjedhja e paketës së hostimit

Hapi i parë, mbas regjistrimit të domain name-it, sigurisht, është gjetja e një pakete hostimi. Për t’ju ndihmuar konkretisht me këtë situatë, ju sugjerojmë të lexoni fillimisht shkrimin mbi ‘llojet kryesore të shërbimeve të hostimit’.

Për shumicën prej jush, paketat e ‘hostimit të përbashkët’ janë ideale dhe mjaft praktike për nevojat dhe nivelin teknik, sidomos nëse jeni duke e bërë këtë gjë për herë të parë.

Nëse ju e keni regjistruar domain-in tuaj pranë WebHost.al, atëherë shtimi i shërbimit të hostimit është mjaft i lehtë dhe po ashtu edhe konfigurimi (lidhja) e domain-it tuaj dhe hostimit.

Ju duhen vetëm dy elementë: a) aksesi në panelin e domain-it tuaj dhe b) adresat NS (Name Server) të hostit tuaj.

Nëse ju e keni blerë domain-in dhe hostin pranë webhost.al atëherë nuk do keni nevojë ta modifikoni informacionin e adresave NS.

Por, nëse domain-in dhe hostin i keni blerë në vende të ndryshme, atëherë do t’ju duhet që të merrni informacionin NS (Name Server) nga hosti juaj, që të mund ta regjistroni më pas këtë informacion nëpërmjet panelit të domain-it tuaj. Zakonisht, adresat NS janë të formatuara kështu:

NS1.hostijuaj.com

NS2.hostijuaj.com

Ndërtimi i faqes

Ndërtimi i një faqeje profesionale interneti është shpesh sfida kryesore me të cilën mund të përballeni por edhe ky proces është bërë relativisht më i thjeshtë. Këto janë disa nga alternativat e përgjithshme që duhet të konsideroni:

• Zgjidhni aplikacionin që ju ofron vetë hosti juaj për të ndërtuar faqen (Side builder)
• Përdorni softuerin dhe ‘template’-t që vijnë falas (WordPress, Drupal, Joomla, etj.
• Kontraktoni dikë apo një agjenci që t’ju ndihmojë të bëni diçka sa më profesionale

Në përfundim

Këto janë të gjitha vendime që kërkojnë kohën dhe përkushtimin e tyre, por e rëndësishme është që të filloni me diçka mbi të cilën, më pas, mund të përmirësoni apo krijoni diçka tjetër plotësisht të re.

Keni sugjerime apo komente? Atëherë, ju lutem kontribuoni për të mirën e të gjithë lexuesve duke i shkruar ato këtu poshtë.

Kjo listë përditësohet çdo ditë me adresa që shumë shpejt do të lirohen, por aty mund të porosisni edhe adresa ekzistuese (backorder) që të mund t’i zotëroni menjëherë momentin e parë që lirohen.

Gjithashtu, nëse porosisni edhe shërbimin e hostimit, mos harroni të përdorni kodin: webhostblog – që të mund të përfitoni 30% ulje për çdo paketë hostimi. Lexoni njoftimin e plotë këtu.

Kjo është një listë e shkurtër nga ato dhjetëra domain name-e që janë aktualisht të disponueshme për t’u porositur, ndërkohë që listën e plotë e gjeni gjithnjë te Expired.al :

• kinostudio.al
• apple-store.al
• molla.al
• albaniaobserver.al
• artkontakt.al
• bstudio.al
• dasma.al
• albania-news.al
• konsumatori.al
• tropik.al
• off.al
• flej.al
• netshqip.al
• bazaar.al
• koralinc.al
• tregu24.al
• socialmedia.al

Këto dhe shumë raste të tjera janë vetëm dy nga mënyrat kryesore që minimalisht duhet të na bëjnë të mendojmë më seriozisht për sigurinë e faqes tonë pasi rreziku është i përhershëm!

Këto janë disa sugjerime konkrete që mund të bëhen lehtësisht nga shumica prej nesh pavarësisht aftësive teknike. Nëse keni sugjerime apo komente të tjera, jeni gjithnjë të mirëpritur t’i shënoni ato në fund të faqes.

Përditësoni programin (softuerin) e faqes tuaj

Shumica e faqeve sot janë ndërtuar dhe menaxhohen nga programe falas (open source) të cilët janë më të lehtë për t’u menaxhuar dhe shumica edhe mund të përditësohen lehtësisht. Përhapja e gjerë e programeve të tillë rrjedhimisht ka sjellë edhe rritjen e numrit të mënyrave se si ato mund të sulmohen për t’u hakuar dhe marrë kontroll për synime të ndryshme. Në këtë rast avantazhi kryesor është fakti që këto lloj platformash përdoren nga një numër i madh njerëzish të cilët janë të bashkërisht të interesuar ta ruajnë sigurinë e faqeve të tyre. Mjaft prej tyre kontribuojnë në shumë mënyra duke ndihmuar që këto lloj programesh të mirëmbahen jo vetëm për nga funksionimi por edhe siguria e tyre.

Ndaj, nëse faqja juaj është e ndërtuar mbi një platformë si WordPress, Drupal, Joomla, etj., atëherë kini parasysh që të gjitha këto programesh mund të përditësohen lehtësisht nga paneli i administrimit.

Nëse nuk dini si ta bëni vetë, atëherë pyesni ose lexoni udhëzues të ndryshëm online që të mësoni se si!

Përdorni fjalëkalime të sigurta

Mbase nuk jeni ju që e keni krijuar fjalëkalimin e hostit/faqes tuaj, por në shumicën e rasteve ju duhet të keni akses të mjaftueshëm për t’i ndryshuar ato.

Nëse aktualisht përdorni fjalëkalime të thjeshta, atëherë ndryshojini ato pasi mund të gjenden kollaj, duke i dhënë kështu akses atyre që përpiqen të futen në faqen tuaj.

Nëse nuk keni mundësi ta bëni vetë atëherë sigurohuni që t’ia kërkoni personit apo personave që ju ndihmojnë me mirëmbajtjen e faqes ose personelit të suportit pranë shërbimit të hostimit.

Bëni backup-e të rregullta

Nëse faqja juaj ‘hakohet’ apo ‘korruptohet’ atëherë një nga mënyrat më të sigurta për ta rikthyer më shpejt në funksionim është duke përdorur një kopje (backup) që ju e keni shkarkuar apo ruajtur diku tjetër.

Ruajtja e kopjeve (backup) duhet të bëhet periodikisht në vartësi të madhësisë dhe shpeshtësisë që ju përditësoni faqen.

P.sh. nëse ju e përditësoni faqen tuaj çdo ditë, atëherë mund të vendosni ta ruani një kopje çdo ditë ose të paktën çdo javë. Nëse ju e përditësoni faqen tuaj disa herë në muaj, atëherë duhet të planifikoni që ta ruani një kopje të saj çdo muaj, por jo më rrallë, pasi nuk ka shumë vlerë pastaj.

Një nga mënyrat më të thjeshta që mund ta bëni backup është nëpërmjet panelit të hostit tuaj (cPanel, Plesk, etj), ku ju mund të shkarkoni një kopje të të gjithë faqes ose vetëm të databazës. Ka mjaft mënyra (online & offline) të tjera për të bërë backup-e por ato do të trajtohen me më shumë detaje në një shkrim tjetër.

Përdorni një shërbim hostimi të sigurt

Nuk janë të pakta rastet kur faqet hakohen për shkak të sigurisë së ulet apo konfigurimit të gabuar të hostit. Shpesh herë ky është një aspekt i sigurisë që nuk është në dorën tuaj, por minimalisht ju duhet të pyesni për t’u informuar.

Në mjaft raste faqet e internetit vendosen në ‘hoste të përbashkëta’ (shared hosting) që është më i lirë por që, nëse nuk është i konfiguruar sic duhet, mund ta ekspozojë faqen tuaj ndaj rrezikut të infiltrimit (hakimit) nëpërmjët faqeve të hostuara brenda të njëjtit host me ju. Teknologjitë e operimit (OS) të ‘hosteve të përbashkëta’ ku rreziqet e hakimit nga faqet e pasigurta, janë përmirësuar ndjeshëm. Sisteme si Cloudlinux të cilat lejojnë, jo vetëm një menaxhim më të mirë të burimeve të hostit, por ofrojnë edhe një siguri më të lartë për secilën prej faqeve që hostohen në të njëjtin server.

Gjithashtu, një sistem tjetër është edhe ‘active scanning’ që ofrohet nga disa hoste i cili skanon vazhdimisht faqet e hostuara për të identifikuar ‘hakimet’ apo burimet e mundshme sulmeshdd në këto faqe.

Në një shkrim të ardhshëm do flasim edhe për paketat kryesore të shërbimeve të hostimit.

Shërbime skanimi për faqen tuaj

Situata me ‘hakimin’ e faqeve ka bërë që të krijohen mjaft faqe/shërbime të tjera të cilat ofrojnë mundësinë e skanimit të faqes tuaj për një mori problemesh. Mjaft prej tyre janë falas por cilësia e shërbimit përmirësohet nëse vendosni të paguani. Është rritur ndjeshëm edhe numri i hosteve që e ofrojnë këtë shërbim brenda paketës së tyre të hostimit (siç është ky webhost.al). Këto janë disa shërbime të tjera që mund t’i konsideroni:

Sucuri Sitecheck (http://sitecheck.sucuri.net/) – është një shërbim mjaft i njohur që ofron skanimin e çdo lloj faqeje dhe më pas nxjerr një listë raport me problemet e mundshme që gjen. Faqja ofron edhe linke apo sugjerime për zgjidhjen e problemit të faqes tuaj.

6Scan (http://www.6scan.com) – është një shërbim tjetër që ofron skanimin dhe raportimin mbi sigurinë e faqes tuaj.

Google Webmaster Tools (https://www.google.com/webmasters/tools/) – nëse e keni regjistruar faqen tuaj këtu, atëherë aty ofrohet një skanim automatik dhe falas i faqes tuaj që ju njofton nëse Google Search gjen diçka. Ky shërbim nuk ofron një skanim të plotë por shërben kryesisht për t’u siguruar që faqja juaj është në status aktiv me shërbimin e Google Search, etj.

Në përfundim

Nuk mund të pretendojmë se kjo është një listë e plotë dhe sigurisht që ka mjaft mënyra të tjera si ju mund ta përmirësoni sigurinë e faqes tuaj, ndaj ju ftojmë të jepni sugjerimet tuaja te komentet në fund të këtij shkrimi.