Systemi i ri që kemi implementuar ofrohet nga një kompani lider në këtë fushë – R1Soft, që specializohet në ofrimin e shërbimeve të tilla për mbi 250,000 servera në të gjithë botën. Ky shërbim na ndihmon edhe ne si hostues që t’ju ofrojmë të njëjtën garanci edhe klientëve tanë.

Konkretisht, sistemi i ri bën që faqja juaj të ruhet vazhdimisht çdo ditë, për 30 ditët e fundit, që ju ndihmon edhe juve si klient që të mund ta restauroni faqen tuaj, qoftë edhe një dokument të vetëm apo gjithë faqen tuaj, lehtësisht dhe pa i lënë vizitorët tuaj të presin ndërsa ju rikuperoni faqen tuaj.

https://fast.wistia.net/embed/iframe/r0h3yiv09d

Frustracioni dhe stresi nuk mjaftojnë për të shprehur ndjenjën e humbjes dhe realitetin e momentit.

Siguria mund të kuptohet dhe interpretohet në disa dimensione, të cilat duhet të jenë pjesë përbërëse të një shërbimi të mirë hostimit.

• Ofrimi i një sistemi mbrojtjeje të vazhdueshme ndaj ‘hakimit’ apo sulmeve online;
• Sistemi i mbrojtjes nga mesazhet ‘spam’ është një aspekt tjetër;
• Sitemi i njoftimit në raste problemesh me faqen tuaj;
• Përditësimi i rregullt i softuerit; dhe
• Mirëmbajtja e rregullt e shërbimit, etj.

Këto dhe shumë aspekte të tjera janë të gjitha pjesë e një shërbimi cilësor hostimit.

Disa konkluzione

Eksperienca, zhvillimet teknologjike dhe rreziqet e shumta online kanë treguar që është praktikisht e pamundur që gjetja e një hosti cilësor (jo domosdoshmërish të lirë) janë thelbësore për të siguruar vazhdimësinë dhe suksesin e sipërmarrjes tuaj online.

Ndaj, zgjedhja e një shërbimi të mirë hostimit nuk mund të bëhet thjesht nisur nga ‘çmimi’ apo një faktori të vetëm, duket bërë duke i konsideruar këta faktorë së bashku për të gjetur zgjidhjen optimale për investimin dhe energjinë që ju shpenzoni për faqen tuaj online.

Nga ana e tyre, shërbimet e hostimit (si ky), e kanë gjithnjë për detyrë që t’ju informojnë dhe ndihmojnë në gjetjen e zgjidhjes më të mirë për nevojat tuaja. Ndaj, informimi i vazhdueshëm i klientëve mbetet një detyrim moral dhe praktik për një shërbimi sa më të mirë hostimi!

Për ta evidentuar disi më mirë këtë proces, rishtazi, ne bëmë një sondazh të vogël ku ju kërkuam lexuese të jepnin votën e tyre për faktorët që ata i konsideronin si më të rëndësishëm në përzgjedhjen e një shërbimi hostimi.

Gjatë ditëve të para, ishte mjaft interesante të shihje se si shumica zgjodhën ‘çmimin’ por më pas faktorë të tjerë si ‘siguria’, ‘thjeshtësia në përdorim’ dhe ‘suporti’ filluan të akumulonin më shumë vota.

Arsyet janë të kuptueshme dhe rrjedhin logjikshëm…!

Çmimi i shërbimit të hostimit

‘Çmimi’ është vazhdimisht faktori që vlerësohet më lehtësisht pasi sa më i lirë të jetë shërbimi i hostimit aq më ekonomik është ai për atë që ne e perceptojmë si një ‘nevojë minimale’ – hostimi i faqes tonë të re!

Por me kalimin e kohës dhe përdorimin e rregullt, shumica e njerëzve zbulojnë se hostimi i faqes nuk është gjithnjë aq i thjeshtë pasi përveç lidhjes së domain-it me hostin, duhet të konfigurohen edhe aspekte të tjera. Për më tepër, nevojat në rritje por edhe vetë problemet që dalin gjatë përdorimit të faqes i bindin njerëzit që ‘çmimi’ nuk mund dhe nuk duhet të jetë faktori përcaktues kryesor.

Suporti që ju duhet

Eksperienca ka treguar se cilësia e shërbimit të hostimit dhe rrjedhimisht suksesi i faqes tuaj nuk varen vetëm nga ‘çmimi’ por edhe nga lloji i ‘suportit’ që ju ofrohet! Shpesh ndodhë që nevojat tuaja teknike (konfigurime, etj) janë përtej njohurive që dispononi ose thjesht do t’ju duhet shumë kohë që t’i gjeni vetë zgjidhjet që ju nevojiten.

Ndaj, shumë shërbime hostimi investojnë, por edhe kërkojnë një pagesë më të lartë për paketat e hostimit që ofrojnë, pasi ato duhet të mirëmbahen dhe mbështeten rregullisht nga një personel i kualifikuar që është në gjendje t’ju ofrojë zgjidhje dhe mbështetje në një kohë sa më të shkurtër.

Thjeshtësia në përdorim

Një faktor tjetër mjaft i rëndësishëm është ‘thjeshtësia në përdorim’. Për ata prej nesh që kemi ca më tepër eksperiencë në mirëmbajtjen e faqeve ‘thjeshtësia në përdorim’ shpesh herë lidhet me ‘akses’ më të plotë te hosti, por për shumicën e njerëzve ‘thjeshtësia në përdorim’ nënkupton ndërfaqe dhe udhëzues të bollshëm që ju ndihmojnë të gjeni zgjidhje për nevojat dhe kërkesat tuaja.

Përgatitja e këtyre udhëzuesve, apo konceptimi sa më i qartë i ndërfaqeve nënkupton që dikush duhet ta vrasë mendjen mjaftueshëm për ta bërë, atë që dëshironi të bëni, sa më të thjeshtë dhe intuitive për ju. ‘Thjeshtësia në përdorim’ është pjesë integrale e një ‘suporti’ të mirë dhe një shërbimi të mirë-konceptuar për nevojat në rritje të klientëve të ndryshëm!

Sondazhi titullohej: “Çfarë ka më shumë rëndësi për ju te një shërbim hostimi?”

Përgjigjet erdhën mjaft shpejt dhe ajo që ishte interesante të shihje ishte se si trendi i votave ndryshoi shumë shpejt duke u orientuar te ato që realisht duhet të jenë disa nga faktorët më përcaktues në përzgjedhjen e një hosti për faqet tuaja në internet.

Opsionet kryesore që ne sugjeruam ishin këto:

• Siguria
• Shpejtësia e regjistrimit
• Çmimi
• Thjeshtësia në përdorim, dhe
• Suporti

Ndonëse në fillim shumica e votave shkoi për “çmimin” si faktorin kryesor, shumë shpejt votat filluan të shtohen për “suportin” dhe “thjeshtësinë në përdorin” si dy faktorë që ndikojnë aq shumë në vazhdimësinë dhe suksesin e çdo faqeje në internet.

Një aspekt tjetër mjaft interesant ishte edhe mënyra se si u shtuan votat për “sigurinë” si një faktor tjetër mjaft përcaktues në mbarëvajtjen e çdo lloj hosti dhe faqeje që hostohet në të.

Sondazhi ynë do mbetet i hapur, ndaj ju ftojmë të shtoni votën tuaj, si dhe mirëpresim çdo koment apo sugjerim tjetër që mund të keni mbi faktorët më të rëndësishëm në zgjedhjen e një shërbimi hostimi.