Duke parë trendet më të fundit të dizajnit të faqeve mund të krijoni një vizion se ku po drejtohet webi. Dhe duke ditur çfarë llojesh dizajni faqet e tjera po përdorin ose po eksperimentojnë mund tju japi ide sesi të përmirësoni tuajën.

Trendet e 2021 për Web Design

Për të pasur njohuri për web dizajnet e fundit dhe për të marrë frymëzim për mënyrat sesi faqja tuaj të duket mahnitëse, ne ju sjellim 25 trendet më popullore të 2021.

1. Dizajn Responsiv

Websitet responsive nuk janë një trend i ri në 2021, por janë aq shumë të rëndësishme sa duhet të jenë në fillim të listës sonë. Ndërkohë që përdorimi i smartphone kaloi përdorimin e desktop disa vite më parë, duhet të siguroheni që faqja juaj punon po aq mirë në telefona sa edhe në PC.

Vizitorët thjesht nuk do të qëndrojnë te faqja juaj nëse kalojnë një eksperiencë zhgënjyese në telefon. Edhe nëqoftëse nuk ju intereson nëse vizitorët largohen(që në fakt duhet t’ju interesojë shumë), gjithashtu është e dëmshme për SEO (Search Engine Optimization). Google ka shumë pak gjasa të përfshijë faqen tuaj në renditje nëse ajo jep një eksperiencë zhgënjyese për këdo me mobile.

Edhe pse ju mund të krijoni një version të veçuar të faqes tuaj apostafat për mobile krahas asaj për desktop, për shumicën e bizneseve opsioni më i mirë është që të krijoni një faqe që është responsive.

Në një faqe responsive, çdo faqe ka të njëjtën tekst, imazh dhe elemente pavarësisht pajisjes ku ti e ke hapur, por ato janë të organizuara ndryshe bazuar mbi madhësinë e ekranit. Për shembull, një imazh që në desktop mund të shfaqet në krah të tekstit, mund të shfaqet poshtë tij në një ekran më të vogël.

Duke e bërë faqen tuaj responsive, siguroheni që edhe përdoruesit e mobile të marrin të gjithë informacionin e saktë nga faqja juaj duke pasur një eksperiencë mikpritëse.

2. Chatbots

Ju me siguri keni vënë re gjatë shfletimit tuaj në internet që shumë faqe biznesesh kanë në cepin djathas poshtë të ekranit një dritare që hapet kur ju hyni në faqe e cila ju jep mundësinë që të bisedoni me një përfaqësues.

Shtimi i një chatbots si kjo tek faqja juaj do të thotë që çdo visitor me një pyetje mund të marri përgjigje të menjëhershme. Por për shumë faqe, të kesh dikë për të kthyer përgjigje në moment është një sfidë e vështirë.

Një zgjidhje e mundshme: Chatbots. Ju mund të programoni një chatbot për t’ju përgjigjur pyetjeve më të zakonshme që klientët tuaj kanë në mënyrë që shumica e vizitorëve ti marrin përgjigjet menjëherë. Për pyetje që chatboti nuk i di, ju mund ta programoni që të japi udhëzime se si vizitorët mund të kontaktojnë një përfaqësues në mënyrë që të dinë cfarë të bëjnë më tej.

Chatbots nuk kanë kuptim për çdo lloj faqe, por nëse keni një faqe biznesi dhe dëgjoni pyetje të shpeshta të përsëritura nga vizitorët tuaj, atëherë ju mund të kurseni kohën e stafit tuaj ndërkohë që ju ofroni klientëve tuaj një përvojë të mirë.

3. Më pak Reklama Pop-Up

Dizajnerat dhe personat që merren me marketing flasin shumë për rëndësinë e një eksperince të mirë të përdoruesve. Gjithsesi, të njejtët persona janë të prirur ndaj një elementi që pothuajse të gjithë vizitorët e urrejnë: Reklamat e tmershme Pop-Up.

Në një studim të HubSpot, 73% e konsumatorëve thanë se i urrenin pop-ups. Dhe shfletuesi popullor i Google, Chrome, i bllokon pop-up bezdisëse automatikisht. Faqet që i japin rëndësi përmirësimit të eksperiencës së përdoruesve, duhet të mendojnë seriozisht shmangien e pop-ups. Ose nëse eliminimi total i tyre është veprim jo i mençur (për shumë brands, janë shumë efektive), të paktën të ndryshojnë mënyrën se si ato funksionojnë në mënyrë që të shmangin zemërimin e klientëve.

Njerëzit nuk do të zemërohen nga pop-ups që janë më pak të bezdisshme. Ndryshimi i tyre për tu shfaqur kur dikush po arrin drejt fundit të faqes dhe po mbaron me materialin është një mënyrë e mirë për të shmangur pakënaqësinë e eksperiencës së klientit atëherë kur ajo sapo ka filluar.

Duke i bërë të shfaqen vetëm në një pjesë të vogël të faqes, në vend që të bllokojnë komplet faqen është një mënyrë tjetër për të zvogëluar bezdisshmërinë e tyre.

Faqja LitHub ka një pop-up që shfaqet afër gjysmës së faqes dhe në të djathtë të materialit. Nuk bllokon asgjë. Nuk e ndërpret leximin. Gjithashtu ju jep kohë për të konfirmuar nqs ju pëlqen se çfarë ofron faqja përpara se t’ju nxitë që të lexoni më shumë me “Read More”. Kjo është një mënyrë më e mençur për të përdorur pop-ups, dhe me siguri do të shikojmë më shumë shembuj të tillë gjatë 2021 e më tej.

4. Animacioni

Videot automatike po përdoren gjerësisht, janë po aq popullore sa pop-ups. Por kjo s’do të thotë që faqja juaj duhet të jetë statike. Mund ta bëni faqen tuaj më tërheqëse duke përdorur animacione të thjeshta.

Një numër në rritje faqesh po implementojnë animacione tek imazhet ose sfondet e faqeve. Një animacion i mirë do tërheqi syrin dhe do marri vëmendjen e vizitorit, pa e shpërqëndruar atë nga informacioni kryesor që ju doni të shfaqni në faqen tuaj. Është një trend web dizajni që e bën faqen tuaj tërheqëse dhe i dhuron personalitet.

Më poshtë janë dy shembuj faqesh që përdorin animacion në homepaget e tyre:

5. Mikrointeraksionet

Mikrointeraksionet marrin animacionin një hap më tej për sa i përket angazhimit të përdoruesit. Këto janë animacione që i përgjigjen asaj që përdoruesi bën në faqe. Nëse vëreni një faqe në internet që ndryshon kur vendosni mouse-n mbi një vend të caktuar, ose një animacion që shkaktohet nga lëvizja poshtë – këto janë mikrointeraksione.

Këto krijojnë një përvojë pozitive tek përdoruesit sepse u japin vizitorëve fuqi mbi atë që ata shohin ndërsa bashkëveprojnë me faqen. Njohja e veprimeve tuaja formon modelin para jush e cila është një ndjenjë e mirë, edhe nëse është vetëm në mënyra të vogla.

Mikrointeraksionet po bëhen gjithnjë e më të zakonshme në internet, duke i bërë ato një prirje të mirë për krijimin e faqeve tuaja në 2021.

6. Personalizimi

Dizajnerat e faqeve përpiqen në maksimum për të identifikuar dhe kuptuar se cila është audienca e tyre e synuar kur ndërtojnë një faqe. Ju duhet të krijoni një faqe që i drejtohet njerëzve specifikë që ju synoni. Por audienca juaj do të përbëhet gjithmonë nga individë që kanë preferenca dhe prioritete të ndryshme.

Pra si mund të ndërtoni një faqe që u pëlqen të gjithëve? Jepuni atyre një shans t’ju tregojnë kush janë dhe çfarë interesash kanë.

Një trend gjithnjë e në rritje në web dizajn është krijimi i një pyetësori ose i një veprimi tjetër interaktiv që e lejon vizitorin t’ju tregojë interesat e veta, në mënyrë që ju t’i ofroni materialin apo produktin që i përshtatet më shumë.

7. Ilustrimet origjinale

Fotografitë e gatshme janë të lehta, por nuk vendos personalitet në faqen tuaj. Kjo është arsyeja pse shumë pronarë të faqeve të internetit u drejtohen ilustrimeve origjinale në faqet e tyre. Ilustrimet e personalizuara vijnë me një kosto që duhet të paguhen- por ato mund të trasferojnë stilin e faqes dhe të krijojnë një përvojë unike.

Ju duhet të zgjidhni ngjyrat që dëshironi të përfshini dhe mund të krijoni imazhe të cilat janë të vështira për tu vendosur në një foto.  Nëse mund të gjeni një artist të mirë për faqen tuaj, është një mënyrë e mirë për të injektuar personalizim shtesë për përvojën e faqes.

8. Përfshini prova sociale

Deri më tani shumica e krijimit të tendecave të faqeve vijnë me një çmim të majmë e cila mund të jetë jashtë mundësive të bizneseve të vogla ose faqeve që janë të përkushtuar ndaj pasioneve dhe jo përfitimeve. Kjo është më shumë e përballueshme. Prova sociale është një mënyrë për të bindur vizitorët e rinj që jeni të mrekullueshëm duke treguar prova të suksesit me vizitorë të tjerë. Për një biznes, mund të jënë logot e kompanive me të cilat punoni ose rekomandimet nga klientë të tjerë.

Ju mund (dhe duhet) ti tregoni njerëzve të tjerë se faqja juaj është e duhura, por fjalët tuaja nuk do të jenë aq të rëndësishme për vizitorët sesa provat se si njerëz të tjerë mendojnë për faqen tuaj. Gjeni një mënyrë për të përdorur provat sociale në dizajnin e faqes tuaj për të theksuar më mirë vlerën për vizitorët e rinj.

9. Menu Hamburgeri

Ky është një trend i diskutueshëm i dizenjimit të faqeve që përdoret zakonisht në aplikacionet për telefona pasi është një metodë e thjeshtë për të mundësuar një menu që zë shumë pak hapësirë. Ikona e Hamburgerit është shumë e vogël dhe hap menunë kryesore kur e klikoni.  Ndërkohë që është bërë më e njohur për përdoruesit e internetit me rritjen e përdorimit të telefonave, përdorshmëria e saj ka filluar të përhapet dhe në dizajnin e faqeve për desktop.

Një menu Hamburgeri heq listën e faqeve në menunë tuaj kryesore dhe i vendos pas ikonës së Hamburgerit. Nëse doni një faqe e cila ka dizajn të pastër, kjo ju lejon të përfshini më pak elementë në secilën faqe ndërkohë që ju vazhdoni të mundësoni mjetet e navigimit që i nevojiten vizitorëve.

Sic u përmend, është një trend i diskutueshëm i krijimit të faqeve. Mund të mos jetë e përshtatshme për audiencën tuaj.  Ky është një trend që duhet ta paramendoni para se ta konsideroni – përdoreni vetëm nëse keni arsye të fortë.

10. Cepa të harkuar

Për një kohë të gjatë, butonat, dritaret dhe kutitë në faqe kishin tendencë të kishin cepa të mprehtë. Kohët e fundit më shumë krijues të faqeve kanë filluar të përdorin skaje më të buta dhe më të rrumbullakta për dizajnet e tyre.

Ky është një trend dizajni që mund ta shikoni në butonat e faqeve.

Shumë faqe në internet ende mbajnë skajet e tyre të mprehta, dhe disa përdorin një përzierje të të dyjave.  Ky nuk është një trend që zëvendëson mënyrën e mëparshmë të të bërit të gjërave. Por nëse doni të mbani formatin e faqes tuaj më të qartë, do të qëndroni në linjë me një nga trendet e 2021.

11. Dizajn Tactile

Një trend i zakonshëm i së kaluarës ishte mbajtja e thjeshtë e dizajnit të faqes. Shumë faqe tani kanë filluar të përdorin trendin e vjetër duke shtuar më shumë dritëhije në imazhet e faqeve të tyre.

Dizajni Tactile mund ti japë më shumë gjallëri imazheve të faqes tuaj për vizitorët. Gjithashtu ju jep theks të shtuar imazheve tuaja.

12. Fonte unikë

Zgjedhja e një fonti unik është një mënyrë e lehtë për ti shtuar personalitet faqes tuaj dhe për ta bërë atë të dallohet pak më shumë. Fontet janë pjesë e një faqeje që shumë vizitorë nuk e vënë re por ju mund ti përdorni për ti shtuar më shumë stil faqes dhe ti shtoni vëmendjen fjalëve të rëndësishme.

Sigurohuni që çdo font që zgjidhni të jetë i lehtë për tu lexuar nga vizitorët tuaj. Por për sa kohë e mbani tekstin tuaj të qartë për të gjithë vizitorët, mund ta përdorni fontin si një mënyrë për ti shtuar personalitet shtesë faqes.

13. Asimetria

Një zgjedhje e guximshme që po shfaqet në disa faqe në internet është dizajni asimetrik. Përdorimi i asimetrisë në dizajnin e faqes tuaj ofron një përvojë unike për vizitorët tuaj, veçanërisht pasi për momentin nuk është një zgjedhje e zakonshme e dizajnit.

Ky opsion i web dizajn nuk është për të gjithë. Për shkak se ëshë e pazakontë, mund të jetë më pak intuitive për disa vizitorë.  Dhe kjo mund të komplikojë aftësinë e një faqe për të qëndruar responsive. Por nëse ju doni të ofroni një përvojë ndryshe në faqen tuaj, asimetria mund ta bëjë këtë.

14. Dizajn i aksesueshëm

Nëse nuk keni ndonjë aftësi të kufizuar vetë, me siguri nuk e keni marrë parasysh sesi  njerëzit me aftësi të kufizuara do të përjetojnë faqen tuaj. Fatkeqësisht kjo është normale – shumë dizajnera webi nuk e kanë pasur aksesueshmërinë në mëndje.

Por kjo ka filluar të ndryshojë. Një nga trendet e 2020 ishte puna për ti bërë faqet më të aksesueshme nga  të gjithë. Revistat dhe bloget e dizajnit kanë filluar të ofrojnë këshilla për krijimin e faqeve më të aksesueshme në internet.

Krijimi i një faqeje të aksesueshme kërkon zgjerimin e perspektivës tuaj dhe bërjen e një pune të vogël, por kur ju angazhoheni, e hapni faqen tuaj për një audiencë që e kishit lënë mënjanë.

15. Vizualizimi i të dhënave

“Të dhënat e mëdha” kanë qënë një fjalë goje për disa vjet tani dhe bizneset në të gjitha industritë e kanë parë ndikimin në rritje të të dhënave mbi mjetet dhe trendet e fundit që formojnë mënyrën sesi ne bëjmë biznes.

Shumë faqe tani po përfshijnë vizualizimin e të dhënave në dizajnin e tyre. Në disa raste bëhet pjesë e faqes kryesore, në disa të tjera hapet një faqe veç për të vënë në pah të dhënat e vlefshme që janë krijuar.

16. Ngjyra të theksuara

Në vitet e kaluara, ngjyrat e theksuara ishin një zgjedhje popullore si një mënyrë për ta bërë faqen sa më të dallueshme.  Por në mes të një pandemie globale, kur shqetësimet e njerëzve janë më të mëdha, shumë faqe në internet po kalojnë në ngjyra më të ftohta që vizitorët do të gjejnë qetësi.

Ngjyrat e ftohta mundësojnë një përvojë estetike që u përcjell vizitorëve emocione më relaksuese.

Ky është një trend tjetër i krijimit të faqes i cili nuk është për të gjithë. Disa marka duan ngjyra më të theksuara që të tërheqin vëmendje. Por për shumë faqe dhe produkte, ngjyrat e ftohta kanë kuptim në 2021.

17. Navigim lundrues

Shumica e faqeve që ju vizitoni kanë navigimin e tyre në të njëjtin vend, përgjatë pjesës së sipërme të faqes. Disa faqe në internet po eksperimentojnë me opsione të ndryshme.  Ne tashmë kemi folur për menunë e Hamburgerit por një mundësi tjetër është navigimi lundrues.

Navigimi lundrues qëndron i dukshëm edhe kur lëviz nëpër faqe. Siguron një përvojë unike, por gjithashtu ofron përfitim praktik të mbajtjes së të gjitha opsioneve të navigimit të pranishme, pavarësisht se ku është vizitori i faqes suaj.

Ju mund të shihni një shembull se si duket faqja Anchor dhe Orbit.  Për momentin, nuk mund të themi që është një trend i zakonshëm i dizajnit të faqeve. Por për një pronar faqesh i cili kërkon një mënyrë për të qenë ndryshe, ky trend e bën  faqen më të dallueshme.

18. Përqëndrim në eksperiencën e përdoruesit.

Tu ofroni vizitorëve tuaj një eksperincë solide duhet të jetë në krye të listës suaj. Nëse faqja juaj është konfuze dhe e vështirë për tu përdorur jo vetëm që do i bezdisni vizitorët tuaj por do i kushtojë para biznesit tuaj.

Kjo është veçanërisht e vërtetë në qoftë se po shisni diçka direkt nëpërmjet faqes tuaj. Veprimi i gjetjes së një produkti, shtimit në shportë dhe përfundimit të blerjes duhet të jetë i lehtë.

Në të kaluarën, disa faqe neglizhonin përdorimin dhe përqëndroheshin në një dizajn të bukur. Ska rëndësi sa e bukur faqja juaj duket, nuk ka kuptim nëse nuk i shndërron në blerës vizitorët tuaj dhe që ata të shijojnë eksperiencën e tyre.

Ndërkohë që konkurrenca onlinë vazhdon të ashpërsohet, prisni që faqet që kanë në focus eksperiencën e përdoruesit të kenë më shumë sukses.

19. Dizajn i qartë dhe i pastër

Të kesh shumë hapësirë të bardhë ka qën një trend i rëndësishëm në web dizajn ndër vite. Sidoqoftë kohët e fundit rëndësia dhe zbatimi i saj është rritur.

Arsyeja më e madhe pse hapësira e bardhë vazhdon të jetë një trend dominues është sepse e bën faqen shumë më të thjeshtë për tu përdorur. Duke përfshirë shumë hapësira të bardha në dizajnin tuaj nuk po i bombardoni vizitorët me informacion të mbingarkuar.

Gjithashtu ju jep hapësirë për tu përqënduar tek zonat e rëndësishme të faqes tuaj ose të drejtoni vëmendjen e vizitorëve tuaj tek zonat më të dobishme për ta.

Pasja e shumë hapësirave të bardha është një parim kryesor i dizajnit minimalist. Minimalizmi do të vazhdojë të jetë një trend dominues në të ardhmen. Duke pasur një dizajn minimalist ju e bëni më të thjeshtë për përdoruesit të gjejnë atë që kërkojnë.

20. Respektimi i standarteve të Web

Kjo është arsyeja pse, në vitin 2021, ka një trend kryesor për krijimin e faqes në internet e cila është si ti përmbaheni standarteve kryesore që publiku juaj pret nga një faqe në internet. Mendoni për ato që ju shihni më shpesh në faqet që ju vizitoni.

• Ku prisni të shihni menunë e faqes në internet? Ndoshta në pjesën e sipërme të faqes.
• Ku i shihni automatikisht informacionet e kontaktit? Me shumë mundësi lartë në të djathtë.
• Ku e shihni zakonisht rreth nesh? ( psh. Cfarë bën biznesi dhe cfarë i bën ato unike)? Në shumicën e rasteve, lart në faqen kryesore.

Ju nuk duhet ti përmbaheni çdo standarti që shihni në internet, por një pjesë e rëndësishme e funksionimit të web-it këtë vit ( dhe çdo vit) është të kuptoni se cfarë presin njerëzit,  dhe të siguroheni se po dorëzoni diçka mjaft të afërt për të përmbushur pritjet.

21. Video e integruar

Popullariteti i videos në internet është e vështirë të mohohet. Rrjetet e mediave sociale sic janë Facebook dhe Instagram po dyfishohen në përmbajtjet e videos. Dhe YouTube prej shumë kohësh është në vendin e dytë për kërkim.

Nëse nuk e keni përfshirë videon, nuk është vonë. Në fakt, një trend i ri në internet është krijimi i videos në faqen tuaj të internetit.

Ne nuk po flasim për video të cilat dalin dhe janë të besdisshme të cilat duket se nuk mund ti hiqni, pa marrë parasysh se përpiqeni. Ne po flasim për krijimin e video-ve që kanë qëllim tërheqës e cila vepron si një pjesë e natyrshme e dizajnit të faqes suaj. Në vend që të dallohen ato luajnë një rol integrues në mbajtjen e përdoruesve të faqes suaj dhe gjithashtu informimin e tyre për produktet dhe shërbimet tuaja.

As këto nuk duhet të jenë video tepër të gjata. Mendoni sikur janë elementë lëvizës të dizajnit qëllimi i të cilëve është të tërheqi vëmendjen e vizitorëve.

Shtimi i videove në faqe dhe në përmbajtjen tuaj gjithashtu mund të përmirësojë renditjen e motorëve të kërkimit të faqes suaj. Google ndjek matjet e angazhimit të përdoruesve, të cilat veprojnë si tregues të një faqe me cilësi. Kur përdoruesit kalojnë më shumë kohë në një faqe në internet, ai sinjalizon algoritmin e Google se faqja po jep vlerë. Dhe kjo sugjeron që është një faqe e denjë për tu përfshirë në renditje.

22. Broken Grid Layouts

Ju tashmë mund të jeni të njohur me rrjetin Layouts. Faqja e internetit përbëhet nga një seri e fshehur e vizave horizontale dhe vertikale e cila në thelb përbën një rrjet.

Ju mund të shihni rrjetin klasik në faqet e internetit. Ju keni logon në këndin e sipërm në të majtë, dhe menunë e navigimit që gjendet në pjesën e sipërme të ekranit, sëbashku me çdo element tjetër poshtë tij në një mënyrë të rregullt.

Por me Broken Grid Layouts, ju do të shihni elementë që e bëjnë rrjetin të duket jo i saktë. Kjo mund të përfshijë një mbivendosje të elementëve të dizajnit, sëbashku me tekstin dhe fotot që nuk i përmbahen rrjetit tradicional. Zakonisht, kjo bëhët për ti dhënë theks disa elementëve të faqes suaj të internetit.

Për të qenë efektiv, Broken Grid Layout duhet të bëhet qëllimisht. Përndryshe, ju rrezikoni të keni një faqe e cila duket e ngatërruar. Por, Broken Grid Layouts mund të sigurojë një përvojë unike për vizitorët.

23. Elementët nostalgjikë të dizajnit

Vitet 80 dhe 90 janë kthyer në forcë, dhe nuk po flasim vetëm për shfaqje si “Stranger Things” ose “ Saved By The Bell reboot”. Një trend i mëparshëm i krijimit të faqeve në internet që ekziston prej vitesh ka vënë theksin në dizajnin e sheshtë dhe modern, duke krijuar faqe minimaliste që duken sikur kanë lindur në të ardhmen. Por ashtu si tendencat e modës gjithmonë duket se kthehen përsëri, e njëjta gjë ndodh dhe më trendet e dizajnit.

Kjo nuk do të thotë që ju duhet të krijoni një faqe me stil të 90 që të duket si interpretimi i parë i faqes “Geocities”. Në vend të kësaj, ju duhet të merrni sugjerime nga brezat e mëparshëm, duke marrë skemat e ngjyrave, dhe duke marrë sugjerime tipografike nga brezat e kaluar.

Nëse ky trend flet për ju merrni parasysh skemat e ngjyrave nga e kaluara. Ose mund të përdorni një font old school për logon tuaj.

24. Faqet që nxisin lëvizjen

Nëse keni qenë në botën e web dizajnit, atëhere ju ndoshta jeni të vetëdijshëm për termin “over the threshold”. Kjo do të thotë se të gjithë elementët e grafikut të dizajnit dhe markës tuaj duhet të jenë të dukshme për dikë kur ai hap për herë të parë faqen tuaj, kështu që ata mund ti shohin ato pa pasur nevojë të lëvizin.

Por vizitorët e sotëm të internetit nuk e kanë mendjen tek lëvizja. Ndoshta për shkak të pranisë së mediave sociale që gjithësecili ka, lëvizja është një mënyrë normale dhe e pritshme e bashkëveprimit me faqet e internetit.

Në vitet e fundit, më shumë faqe në internet kanë qenë të kënaqur duke përdorur faqen e plotë. Kjo ju jep më shumë siguri gjatë punës për hartimin e stilit dhe të paraqitjes së faqes suaj të internetit. Në vend që të përpiqeni të mbushni çdo hapsirë, mund të përdorni të gjithë ekranin tuaj për të krijuar faqe me logjikë që përfshijnë informacione dhe elementet vizuale që dëshironi.

25. Qëllimi i mbledhjes së të dhënave

Shumë faqe mbledhin një formë të dhënash. Me rregulloren e Përgjithshme të mbrojtjes së të dhënave (GDPR) të prezantuar dy vjet më parë, kujdesi për mbledhjen dhe ruajtjen e të dhënave është bërë dhe më i rëndësishëm.

Pronarët e faqeve të internetiti duhet të vlerësojnë se si shkon mbledhja e të dhënave, dhe të ketë një qëllim për të dhënat që janë mbledhur.  P.sh, nëse keni një formë log in në faqen tuaj të internetit, a ju duhen të dhënat për vendndodhjen ose një numër telefoni? Apo ndoshta ju kërkoni që vizitorët të identifikohen duke përdorur Facebook? Edhe pse kjo ju kursen kohë, mund të mos jetë përshtypja më e mirë për kompaninë tuaj.

Pavarësisht nëse është një formë kontakti, formulari i regjistrimit në email, apo edhe ndjekja e cookies në faqen tuaj, do të duhet të jeni transparent për të dhënat që po grumbulloni, pse po i grumbulloni dhe çfarë po bëni me ato. Kur mendoni për ndonjë formë që keni në faqen tuaj, merrni parasysh sasinë minimale të informacionit të nevojshëm.

Faqet që i kushtojnë rëndësi privatësisë së përdoruesit jo vetëm që do të sigurojnë që faqet e tyre të qëndrojnë në përputhje me udhëzimet e fundit të privatësisë, por do të jenë gjithashtu faqet që krijojnë një marrëdhënie të fortë dhe të besueshme të vizitorëve.

Cilat trende të krijimit të webit janë të duhura për ju?

Kjo është një listë e gjatë! Përpjekja për të bërë gjithçka mund të të lërë në një rrëmujë të ngatërruar dhe të papërshtatshme për një faqe internet. Pikat e ndjekjes së trendeve është të shikosh secilin si diçka që patjetër duhet të bësh, dhe më shumë për ta mbajtur mendjen të hapur ndaj ideve të reja. Kur keni disa ide shumë të mëdha për të punuar, mund të merrni vendime më të informuara të cilat kanë kuptim për markën dhe audiencën tuaj.

Tendecat e reja ndryshojnë çdo vit, nuk është e nevojshme të përditësoni faqen tuaj të internetit aq shpesh. Të bësh një shqyrtim vjetor të faqes suaj të internetit është një praktikë e mirë. Ndonjëherë do të kuptoni se keni nevojë për një rishikim, herën tjetër do të vini re ndryshime më të vogla që do të përmirësojnë përvojën e vizitorit dhe disa vite më vonë mund të përcaktoni nëse faqja juaj punon mirë për nevojat e tuaja aktuale.

Gjëja më e rëndësishme është të mos merrni vetëkënaqësi. Vazhdoni t’i kushtoni vëmendje analizave tuaja, duke qëndruar në krye të trendeve të momentit dhe duke rishikuar se çfarë po funksionon dhe nuk punon për ju.

Mënyra më e shpejtë për të humbur besimin e vizitorëve tuaj është të keni një faqe në internet që duket e vjetër. Përdoruesit e sotëm të internetit janë më aktiv se kurrë dhe me avancimin e internetit, kalojnë më shumë kohë në internet se kurrë më parë. Kaloni kohë duke analizuar trendet e mësipërme për të parë nëse mund të përdorni ndonjë prej tyre për të përmirësuar dizajnin e faqes tuaj.

Nëse keni vendosur se është koha për të bërë një riparim të plotë të dizajnit të faqes, ose nëse jeni në fazat e hershme të ndërtimit të një faqeje të re në internet, ju mund ta thjeshtoni shumë procesin me ndihmën e një Page Builder. Page Builder tek WebHost.al zbaton praktikat më të mira të dizenjimit të faqes që i ndihmon përdoruesit të krijojnë dhe të automatizojnë pjesën më të madhe të punës në mënyrë që ju ta bëni faqen tuaj të internetit të funksionojë më shpejt.

Prezantimi i WordPress Toolkit

Bëjeni më të lehtë përdorimin e WordPress, pavarësisht nëse jeni fillestar apo profesionist. Thjeshtoni një shumëllojshmëri të rrjedhave të punës, automatizoni dhe menaxhoni detyrat duke përdorur një panel të vetëm. cPanel ka krijuar paketën më të plotë, të sigurt dhe të gjithanshme të opsioneve për WordPress. Le të kalojmë tek përfitimet.

1. Ngarkesa juaj e përditshme e punës bëhet e thjeshtë

Ju mund të instaloni dhe konfiguroni WordPress nga fillimi në fund me anë të një butoni. Një panel për të menaxhuar opsionet e WordPress. Klononi, sinkronizoni, përditësoni, migroni dhe ekzekutoni detyra komplekse me shpejtësi. Gjithashtu mund të menaxhoni shtojca dhe tema të shumta njëkohësisht. Mund të bëni instalimin/aktivizimin apo ç’aktivizimin e tyre me një klikim.

2. Mbroni veten nga sulmet online

WordPress Toolkit siguron faqen tuaj. Ajo vjen me një skanues sigurie me përditësimet më të fundit të sigurisë, duke përfshirë rekomandimet më të mira nga WP Codex. Kjo shkon përtej sigurisë themelore që normalisht gjeni në panelet e tjera. Kur skanoni të gjitha faqet tuaja në WordPress me cPanel mund të identifikoni dhe të mbroni instalimet tuaja qëndrore. Gjithcka që ju duhet të bëni është të përzgjidhni pjesët që doni të siguroni dhe të klikoni butonin “Secure”, kaq mjafton.

3. Shijoni automatizimin e faqes tuaj

Është shumë e thjeshtë, por jo amatore. Ju keni kontroll të plotë mbi:

• WP-CLI.
• Mirëmbajtje.
• Korrigjimin e gabimeve.
• Menaxhimin e indekseve të motorëve të kërkimit.
• Dhe shumë të tjera.

Për të përditësuar WordPress, shtojcat apo temat, gjithçka që duhet të bëni është të aktivizoni Maintenace Mode dhe të ndiqni hapat. Nëse diçka shkon keq ose ju bëni ndonjë gabim, Restore Points and Backups ju lejon t’a ktheni faqen siç ishte më parë. Ju gjithashtu mund të menaxhoni të gjitha opsionet e rëndësishme të korrigjimit të gabimeve nga një ndërfaqe e vetme.

Zgjidhni të aktivizoni ose ç’aktivizoni opsionin që motorët e kërkimit të shfaqin faqen tuaj rast pas rasti. Nëse keni nevojë, ju lehtësisht mund të keni akses në WP-CLI. Pra po themi që mund të importojmë një databazë, krijojmë një përdorues të ri, përditësojmë temat dhe shtojcat – të gjitha me një klikim.

Një opsion për të gjitha.

Nëse jeni gati të largoni kompleksitetet dhe zhvilloni biznesin tuaj, atëherë jeni në faqen e duhur, ne do t’ju ndihmojmë të përshtateni lehtësisht. Me çdo paketë në Webhost.al ju keni të përfshirë dhe WordPress Toolkit.

SEO eCommerce është mjaft kompleks. Nëse ju dëshironi të konkuroni dhe të rrisni shitjet në internet, do t’ju duhet të përdorni teknikat më të përparuara të SEO-s.

Më poshtë gjeni 10 mënyra për ta çuar strategjinë tuaj të eCommerce SEO në nivel tjetër:

Në mënyrë që të përfitoni sa më shumë nga investimi juaj në SEO, ju duhet të përshtatni përpjekjet tuaja me atë që funksionon më mirë për audiencën që keni. Mënyra më e mirë për të filluar me SEO të avancuar është një auditim i plotë për të kuptuar më mirë se në çfarë faze jeni.

Rishikoni analizat tuaja aktuale. Identifikoni se cilat faqe kanë më shumë trafik dhe po konvertojnë klient, dhe cilat faqe nuk po performojnë mirë. Shikoni rënditjen për fjalët kyçe që keni aktualisht. Shikoni për çështje teknike si psh. përmbajtja e njëjtë dhe broken links që duhet të korrigjoni.

Ju mund të gjeni përmbajtje që duhet të përditësohen, ose pjesë të cilat do të ishte më mire t’i fshini plotësisht. Në këtë mënyrë do të kuptoni më mirë llojet e temave, fjalët kyçe dhe formatimi i përmbajtjes që është më efektiv për të tërhequr vizitorë. Me anë të këtij informacioni, ju mund të përmirësoni strategjinë tuaj për të siguruar rezultate më të mira në vazhdim.

2. Lejoni komentet në faqen e produktit

Vlerësimet janë të vlefshme pasi ato ofrojnë prova për produktin që ndihmon në rritjen e blerjeve. Vlerësimet ndihmojnë gjithashtu me SEO-n.

Kjo ndodh sepse shtojnë më shumë fjalë në faqe, zakonisht duke përfshirë fjalë kyçe që ndihmojnë në sinjalizimin e Google për atë çfarë faqja juaj përmban. Në këtë mënyrë vlerësimi me yje i produktit dhe numri i vlerësimeve shfaqet në faqen e rezultateve të motorit të kërkimit (SERP), gjë që rrit shanset që konsumatorët të klikojnë produktin.

3. Analizoni backlinks (dhe ato të konkurentëve)

Backlinks janë shumë të rëndësishëm për SEO. Ato bëjnë të mundur lidhjen e faqeve të tjera me tuajën.

Për të zhvilluar dhe përmirësuar strategjinë tuaj të backlinks, analizoni cilat lidhje keni fituar tashmë. Cilat faqe në internet janë lidhur me faqen tuaj? Çfare faqesh lidhin dhe çfare teksti përdorin ato? Si ju ndihmojnë juve në lidhje me trafikun?

Tani bëni të njëjtën analizë për konkurentët tuaj kryesorë. Mësoni sa më shumë për backlinks që ata kanë. Mund t’iu frymëzojnë për të krijuar përmbajtje të reja apo backlinks të tjerë.

4. Përfshini më shumë fjalë kyçe

Shumica e bizneseve eCommerce janë kundër faqeve të mëdha si Amazon dhe Walmart. Kjo e bën të vështirë për t’i konkuruar për fjalë kyçe që kanë një volum të lartë kërkimi.

Për faqe të vogla eCommerce, ju do të avanconi nëse përdorni fjalë kyçe më përshkruese. Për shembull, një fjalë kyçe si “maska e fytyrës me qymyr për pucrrat dhe pikat e zeza” do të ketë më shumë sukses sesa thjeshtë “maskë për fytyrë”.

Nëse keni një emër të veçantë marke për audiencën tuaj, duke zgjedhur produkte specifike dhe fjalë kyçe të markës tuaj mund tju ndihmoj të rritni trafikun.

5. Përdorni schema markup

Schema markup zakonisht përdoret për të siguruar sa më shumë informacione në Google në lidhje me çfarë gjendet në faqe dhe ndihmon që Google të shfaq detaje të rëndësishme për faqen në SERP, duke i dhënë mundësi vizitorëve që ta klikojnë.

Në këtë mënyrë ju siguroni informacione mbi çmimin, vlerësimin etj. Në disa raste, informacioni do të shfaqet direkte në SERP duke rritur klikimet.

6. Optimizimi i Snippets

Google ndryshon paraqitjen e SERP në varësi të fjalëve këçe. Nëse ata janë të sigurt se vizitorët po kërkojnë për biznese lokale, SERP do të jap një hartë me vendet më të afërta. Nëse po kërkoni të blini një produkt, në SERP ju shfaqen disa produkte dhe nëse po kërkoni një përgjigje për një pyetje, në krye të faqes do të shqafet pyetja dhe përgjigjja.

Sipas hulumtimeve nga Ahrefs, Snippets si keto shfaqen në 12% të të gjitha SERP-ve. Kjo do të thotë që bizneset e eCommece janë të vetëdijshme se cilat fjalë kyçe po prodhojnë Snippets.

Për të optimizuar faqen tuaj eCommerce për Snippets të veçantë, duhet të ndiqni këto hapa:

• Kryeni kërkime SERP për cdo fjalë kyçe që përfshini në strategjinë tuaj. Për çdo faqe dhe pjesë përmbajtje që krijoni, bëni një kërkim se si duket SERP dhe se si është renditja.
• Shikoni se çfare pyetjesh ka audienca juaj. Shumë snippets të paraqitura u përgjigjen këtyre pyetjeve. Kështu që përpiquni të gjeni sa më shumë pyetje që ka audienca juaj, pastaj mbuloni pergjigjet në përmbajtjen tuaj. Seksioni “Answer the Public” mund të jetë aq i dobishëm sa dhe seksioni “People also ask” i Google. Çdo herë që ju klikoni një pyetje në këtë seksion, ajo automatikisht hap pyetje të tjera të ndërlidhura që mund të përdoren për të krijuar një listë pyetjesh për t’u përgjigjur në përmbajtjen tuaj.

• Strukturoni përmbajtjen tuaj që të përputhet me formatin e Google. Në qoftë se Snippets në fjalë i Google përfshin një listë, atëherë formatojeni përmbajtjen tuaj në një formë liste. Nëse është një përgjigje e shkurtër, atëherë formatoni përmbajtjen tuaj për të përfshirë pyetjen në tekst, e ndjekur nga një përgjigje e shkurtër direkt pas saj. Formatimi i duhur mund të luajë një rol të rëndësishëm në përfshirjen e Snippets të paraqitura.

7. Krijoni kategori strategjike produktesh për SEO

Krijoni më shumë faqe që synojnë fjalët kyçe përkatëse që drejtojnë trafikun në faqet e produkteve tuaja duke menduar me kujdes për të gjitha kategoritë në të cilat përfshihen produktet tuaja.

Përcaktoni kategorinë e cila mungon në faqen eCommerce, dhe filloni punën duke i krijuar ato. Pasi të keni marrë më shume faqe dhe kategori të dobishme dhe përmbajtje të optimizuar, ndiqni këto hapa:

• Gjetja e mundësive në faqen tuaj për të shtuar internal links me tekstin përkatës. Ju ndoshta keni disa postime ne blog dhe në faqet e produkteve që përdorin fjalë kyçe të cilat i synon faqja e kategorisë suaj. Përdore atë!
• Vendosja e links për kategorinë e menusë në faqen tuaj ofron mundësi të tjera për internal linking dhe mund të ndihmojë vizitorët të gjejnë më lehtë produktet që ata janë të interesuar.
• Përdorimi i kategorive që keni krijuar si ide të reja për blogun tuaj. Përmbajtja e re mund të synojë fjalët kyçe për të cilat audienca juaj është e interesuar, ku mund të gjejnë më lehtë produktet.

8. Krijoni përmbajtje rreth produkteve specifike

Një nga rregullat e marketingut është që përmbajtja të përqëndrohet më shumë tek ndihma që do të ofroje se sa tek shitjet. Markat e eCommerce ndonjëherë duhet t’i kombinojnë për të krijuar përmbajtje të produkteve që shet. Blogu Barnes & Noble është plotë me postime që shfaqin libra specifikë të cilët ata i shesin.

Ju mund të bëni dicka të ngjashme. Nëse shisni pajisje fitness, krijoni një postim ose video që tregon ushtrime të ndryshme që mund të bëni. Nëse shisni erëza, krijoni postime recetash gatimi të cilat përfshijnë erëzat që keni. Faqet eCommerce mund të krijojnë udhëzime që tregojnë mënyra të ndryshme për të përdorur dhe për të përfituar me shumë nga produktet e tyre.

Përmbajtja e përqëndruar në produkt ju jep më shumë mundësi për të synuar fjalët kyçe që lidhen me produktet specifike që ju shisni dhe mund tju ndihmoj në arritjen e llojit të trafikut që ka më shumë mundësi të konvertohet në blerës.

9. Partner me markat përkatëse dhe influencers

Mundohuni të gjeni markat me të cilat mund të bëheni partner. A mund të funksionoje marka juaj e kepucëve me një markë që shet produkte fitness për të krijuar përmbajtje të përbashkët që lidhet me audiencen e përbashkët? Ose nëse biznesi juaj përmban produkte kozmetike, mund të punoni me një kompani për produktet e flokëve për të krijuar sëbashku udhëzime bukurie.

Përvec bizneseve të tjera eCommerce, kërkoni për influencers që flasin tema të rëndësishme për markën tuaj. Një faqe eCommerce qe shet rroba mund të kontaktoje me influencerat e modës për të parë nëse do ju ndihmojnë me promovimin e rrobave në këmbim të artikujve ose pagesave.

Çdo marrëdhënie që krijoni duhet të jetë e dyanëshme. Me influencers do të thotë ofrim falas të produkteve ose pagesa. Me markat e tjera, kjo do të thotë që partneriteti ndihmon në promovimin e produkteve para audiencës. Këto lloje marrëdhëniesh mund të ndihmojnë në rritjen e pranisë tuaj në internet, dhe të coj në partneritete të rëndësishme.

10. Krijoni përmbajtje krahasimi.

Shumë konsumatorë kalojnë kohë në fazën e hulumtimit të produkteve derisa të arrijnë në një përfundim. Dhe shpesh pjesa e hulumtimit të tyre është dhe krahasimi i produkteve.

Ju mund të kapni trafikun e njerezve në atë fazë të blerësit duke krijuar përmbajtje krahasimi.

Çelësi është të jesh i sinqertë, ndërsa thekson se çfarë është më e mirë për produktin tuaj. Karakteristikat që kanë produktet tuaja, vlerësimet që japin blerësit dhe faktet krahasuese, si psh krahasimi i kostove, mund të jetë një mënyrë e zgjuar për të drejtuar trafikun dhe kapjen e konsumatorëve.

eCommerce SEO MERR KOHË, por JEP REZULTAT

Asnjë nga këto taktika nuk është e lehtë. Shumica e tyre kërkojnë një kohë të konsiderueshme për të përmirësuar faqen.

Por SEO është mënyra më e mirë për shumicën e bizneseve për të rritur shitjet. Në një kohë ku njerëzit po i bëjnë blerjet e tyre nëpërmjet internetit, SEO është një investim i vlefshëm për çdo biznes eCommerce që do të rritet.