4. IsleMag

Një temë tërheqëse për faqe reviste me një dizajn miqësor që ju lejon të vendosni reklamat tuaja, të krijoni albume fotosh, të shtoni faqe të tjera nga mediat sociale, të shkruani përshtypje, si dhe ta përshtatni pamjen e temës sipas ngjyrave që ju dëshironi. Gjithashtu, tema është e pajisur me ‘slider’ dhe ‘karrocela’ fotosh që prezantohen të gjitha brenda një formati si në kuti (boxed style).

Tiparet kryesore:

• Slider në format karrocele
• Dizajnë ‘responsive’
• Pozicione për vendosjen e reklamave
• ‘Footer’ që mund të përshtatet me Widgets
• Sistem për publikimin e përshtypjeve
• Kombinim ngjyrash pa fund
• Mundësi publikimi automatik fotosh nga instagram

SHKARKOJE | DEMO LIVE

5. ShopIsle

ShopIsle është një temë moderne për e-commerce, me një slider që mbush gjithë gjerësinë e ekreanit si dhe një dizajn të pastër. Kjo temë është krijuar për t’iu përshtatur çdo lloj dyqani online si dhe për t’i dhënë shkrimeve/përmbajtjes tuaj një pamje të re dhe të freskët, dhe sigurisht miqësore. ShopIsle ka një kontur për video, rrëshqet lehtësisht dhe me një faqosje klas, që kontribuojnë të gjitha për t’i nxjerrë produktet tuaja në dritë sa më të mirë.

Tiparet kryesore përfshijnë:

• Gati për WooCommerce,
• Dizajn ‘responsive’
• Formë e përshtatshme kontakti
• ‘Footer’ që mund të përdoret me Widgets
• Gati për t’u përkthyer në shqip
• Kontur për shfaqjen e videove
• Linke për mediat sociale

SHKARKOJE | DEMO LIVE

6. Sydney

Tema Sydney një temë me dizajn mjaft modern dhe të përshtatshëm për mjaft përdorime. Faqja është e thjeshtë dhe e përshtatshme për çdo lloj biznesi falë slider-it që mbush gjithë ekranit, kalimit të lehtë nga njëri seksion në tjetrin, si dhe ca animimeve mjaft të bukura. Tema ka vërtetë një pamje profesionale dhe mund të përshtatet relativisht kollaj falë edhe dizajnit të thjeshtë. Ndërfaqja është mjaft e bukur dhe ofron gjithashtu mundësinë e përshtatjes së ngjyrave sipas dëshirës dhe nevojës. Versioni falas është zakonisht më se i mjaftueshëm për shumicën e rasteve, por nëse kërkoni diçka më shumë se sa versioni falas, atëherë gjasat janë që nevojat tuaja do përmbushen po aq lehtësisht edhe nga versioni me pagesë.

Tiparet kryesore përfshijnë:

• Paraqitje ‘responsive’
• Gati për t’u përkthyer në shqip
• Sfond me efekt ‘parallax’
• Koka (header) me imazh statik apo slider
• Linqe dhe ikona sociale
• Google fonts

SHKARKOJE | DEMO LIVE

Certifikata SSL, që kur është e instaluar mund të dallohet lehtësisht nga adresa jeshile që fillon me https//, bën inkriptimin e të dhënave që transferohen ndërmjet faqes tuaj dhe lundruesit (browserit) të vizitorit. Kjo ndihmon që të dhënat që transferohen mos të lexohen dot nga persona apo mekanizma që ndërhyjnë për të lexuar të dhënat që po shkëmbehen si janë p.sh. përdoruesi dhe fjalëkalimi, etj.

Ky rrezik është veçanërisht i mundur kur vizitori është po e akseson faqen në linja publike interneti (internet cafe, apo WIFI publik) apo vende ku ka shumë përdorues.

Mbi të gjitha, pasja e një certifikate SSL i përçon vizitorëve tw faqes tuaj një ndjenjë sigurie dhe besueshmërie, që janë të domosdoshme ndërsa njerëzit bëhen gjithnjë e më të vetëdijshëm për privacinë e tyre online. Vjedhja e të dhënave personale (privacia) është një dukuri që duhet luftuar vazhdimisht. Ndaj, implementimi i sistemeve dhe teknologjive të tilla si certifikatat SSL ndihmojnë shumë për t’i mbrojtur këto të dhëna si për ju, por mbi të gjitha për vizitorët e faqes tuaj. Siguria dhe besueshmëria që ju iu ofroni nëpërmjet një certifikate SSL bën që ata të rikthehen për t’u loguar apo për të përdorur faqen tuaj me të dhënat e tyre të vërteta!

Pengesat kryesore

Por deri tani kostoja e një certifikate SSL ishte një pengesë për shumicën prej jush që kanë një faqe në internet. Certifikata ishte një shpenzim vjetor shtesë, por më tej, pengesa tjetër e madhe ishte pasja e njohurive teknike që duhen për ta implementuar. Këto dy faktorë dhe të tjerë si këto vazhdojnë të ndikojnë drejtpërdrejtë te fakti se pse shumica prej jush neglizhojnë për ta implementuar një certifikatë SSL, edhe pse e dini që duhet.

Lajmi i mirë

Ndërkaq, sot kemi një lajm mjaft të mirë për ju të nderuar klientë të WebHost.al

Ne ua kemi hequr sakaq koston dhe implementimin teknik si pengesa për ta instaluar një certifikatë SSL në faqen tuaj. Duke filluar nga ky muaj, instalimi i një certifikate SSL ju kushton vetëm pak klikime, dhe mbi të gjitha, është FALAS, për sa kohë që ju vijoni të mbeteni klientë të WebHost.al

Shtojcat (plugins) janë copëza softueri që të lejojnë të shtosh lehtësisht funksionalitete për faqen tënde si p.sh. harta, tabela, forma kontakti, kopje për ruajten e faqes, dhe shumë e shumë funksione të tjera.

Aktualisht ka mbi 45,000 shtojca të ndryshme, shumica falas, që ofrohen brenda direktorisë së WordPress dhe që janë shkarkuar me miliarda herë. Këto shtojca janë zhvilluar në mënyrë vullnetare nga anëtarë të komunitetit të zhvilluesve të WordPress dhe ofrohen për përdorim të gjerë. Sigurisht, ofrohen edhe shtojca me pagesë (shpesh jashtë direktorisë së WordPress), ose që ofrohen falas në versionin bazë dhe me pagesë për versionet më të përparuara. Nëse ju keni një nevojë apo ju duhet një funksionalitet i caktuar, gjasat janë që dikush sakaq ka krijuar një shtojcë që i përshtatet ose përmbush nevojat tuaja mjaftueshëm.

P.sh. nëse ju doni të shtoni efektin e flokëve të borës gjatë festave të fundvitit, apo dëshironi të shtoni një katror ku shfaqet moti, atëherë dikush ka krijuar një shtojcë pikërisht për këtë punë, madje në mjaft raste ka më shumë se një shtojcë që ju ofron të njëjtin funksionalitet dhe juve ju duhet të zgjidhni atë që ju përshtatet apo funksionon më mirë.

Kujdes para se t’i instaloni

Shtojcat ofrojnë vërtetë funksionalitete fantastike, por para se të instaloni ndonjë prej tyre duhet të tregoni kujdes dhe të siguroheni që versioni i shtojcës përputhet (compatible) me versionin e WordPress-it që ju përdorni për faqen tuaj. Nëse shtojca që keni zgjedhur të instaloni nuk përputhet me versionin e WordPress që ju keni, atëherë ekziston mundësia që faqja juaj të prishet ose t’ju krijohen probleme në pamjet dhe funksionalitetin e shtojcave të tjera.

Ky është një shkrim hyrës por në shkrimet në vijim, do ju sugjerojmë shtojca sipas kategorive të ndryshme, që shpesh i kemi testuar apo përdorur edhe vetë, ose që janë mjaftueshmërisht popullore dhe mbi të gjitha me qëllimin që t’ju ndihmojmë të zgjidhni opsionin më të mirë për nevojat e faqes tuaj.

Si të eksploroni shtojcat që ofrohen

Nëse e keni instaluar WordPress-in në serverin tuaj, atëherë ju mund të kërkoni lehtësisht direktorinë e shtojcave direkt nga brenda WordPress-it. Aty do mund të kërkoni dhe përzgjidhni nga mijëra alternativa dhe funksionalitete nga më të ndryshmet.

Abonohuni sot që t’ju njoftojmë automatikisht sapo të fillojmë t’i publikojmë.

Sipas disa burimeve, aktualisht WordPress përdoret nga mbi 59% e të gjitha faqeve që përdorin CMS (Content Management System) dhe mbi 26% e të gjitha llojeve të faqeve në internet (burimi & burimi).

Kjo rubrikë (Tema Falas në WordPress) ka për synim t’ju prezantoj çdo javë me tema (template) për WordPress që ju mund t’i përdorni lehtësisht dhe mbi të gjitha FALAS. Në këtë mënyrë ju do keni mundësinë t’i testoni dhe të kuptoni se çfarë bën punë për nevojat tuaja pa pasur nevojë të

Seria e template që po ju prezantojmë kanë të gjitha një të përbashkët: ato janë të formatit “responsive”! Kjo nënkupton që ato përshtaten lehtësisht në të gjitha madhësitë e ndryshme të ekraneve ku ju mund ta shihni faqen tuaj. Fakti është që përqindja e vizitorëve të faqeve po kalon gjithnjë e më shumë në favor të atyre që përdorin celularët dhe tabletat, ndaj edhe nevoja për të pasur një faqe e cilat përshtatet (responsive) është e domosdoshme.

1. Parallax One

Parallax One është një temë e thjeshtë dhe elegante bazuar mbi Boostrap në WordPress. Kjo temë mund të përdoret për shumë funksione falë dizajnit të saj të pastër dhe të bukur, që e vendos fokusin kryesor te përmbajtja. Pamja klas e kësaj teme krijohet edhe nga efekti ‘parallax’ i imazhit në faqen kryesore, falë të cilit edhe ka marrë emrin si temë. Tema ofron edhe mundësinë e përdorimit për dyqan virtual si dhe një pamje moderne. Mbi të gjitha ngelet një temë që ju mund ta përshtatni lehtësisht për nevojat tuaja.

Tiparet kryesore (features):

• Strukturë responsive
• Efekti parallax
• Logo, ikona dhe menu të ndryshueshme
• Skema të ndryshme ngjyrash
• Ikona sociale me bollëk
• Integrim me Google Maps

SHKARKOJE | DEMO LIVE

2. Azera Shop

Kjo është një tema ‘minimaliste’ dhe e pastër për një dyqan të vogël online. ‘Minimaliste’, siç mund të kuptohet edhe nga vetë fjala, nënkupton që ka tipare minimale dhe zakonisht të vogla që i japin më shumë rëndësi fotove dhe imazheve. Kjo temë gjithashtu përdor efektin ‘parallax’ në kokën e saj dhe përmban edhe një seksion e-commerce, mbushur me butona dhe ikona plot ngjyrë, si dhe mundësinë e lënies së përshtypjeve nga klientët.

Tiparet kryesore (features):

• Gati për WooCommerce,
• Dizajn responsive,
• Formë kontakti që integron lehtësisht Google Maps,
• Gamë ngjyrash praktikisht pa kufij
• Gati për t’u përkthyer (diçka e domosdoshme për shqipen),
• Faqosje edhe për shkrimet e një Blogu,
• Linke sociale.

SHKARKOJE | DEMO LIVE

3. Zerif Lite

Kjo temë është vërtetë ndëraktive por është dizenjuar të funksionojë gati-gati si një faqe e vetme. Sfondi është i përbërë nga një imazh i madh me gjerësi të plotë dhe një menu të thjeshtë dhe të bardhë në krye. Gjithashtu, ngjyrat kryesore janë e zeza dhe e bardha, por disa seksione ndryshojnë nga klasikja (bardh e zi) te ngjyrat e ndezura jeshile, e verdhë dhe e kuqe. Në tërësi dizajni është elegant dhe klasik. Një shembull mjaft i mirë i temave të WordPress të ndërtuara me ‘bootstrap’.

Tiparet kryesore (features):

• Efekt parallax
• Integrim me WooCommerce
• Penel për opsionet e temës
• Mundësi përkthimi
• Dizajn responsive
• Faqe kontaktesh funksionale

SHKARKOJE | DEMO LIVE

Në përfundim

Këto janë vetë temat e para, por do vijojmë t’ju prezantojmë tema të tjera cdo javë ndaj na ndiqni. Ndërkohë, nëse keni ndonjë temë që e pëlqeni shumë dhe/ose që dëshironi të na e sugjeroni, mos nguroni të na e dërgoni (na kontaktoni)

Systemi i ri që kemi implementuar ofrohet nga një kompani lider në këtë fushë – R1Soft, që specializohet në ofrimin e shërbimeve të tilla për mbi 250,000 servera në të gjithë botën. Ky shërbim na ndihmon edhe ne si hostues që t’ju ofrojmë të njëjtën garanci edhe klientëve tanë.

Konkretisht, sistemi i ri bën që faqja juaj të ruhet vazhdimisht çdo ditë, për 30 ditët e fundit, që ju ndihmon edhe juve si klient që të mund ta restauroni faqen tuaj, qoftë edhe një dokument të vetëm apo gjithë faqen tuaj, lehtësisht dhe pa i lënë vizitorët tuaj të presin ndërsa ju rikuperoni faqen tuaj.

https://fast.wistia.net/embed/iframe/r0h3yiv09d

Lista e adresave përditësohet çdo ditë por nuk është e nevojshme ta bëni të njëjtën gjë edhe ju ndaj po ju tregojmë për disa prej adresave më të fundit që janë sakaq të disponueshme për ju.

Me këtë rast po ju kujtojmë edhe një herë ofertën tonë që nëse dëshironi të siguroni edhe hostin e faqes tuaj, atëherë WebHost.al ka një ofertë vetëm për lexuesit e këtij blogu.

Kjo është një listë adresash që na ranë në sy neve, por sigurisht që nuk keni pse të kufizoheni te sugjerimet tona. Madje kësaj here po ju japim edhe nga një sugjerim se për çfarë arsye mund të doni ta regjistroni një adresë të caktuar:

EasyJet.al – mbase mund t’ia shisni kompanisë ajrore me të njëjtin emër

Uniti.al – faqe brand-i

HealthCare.al – faqe informative mjekësore

Skynet.al – rrjet informatik

MarketingMedia.al – grup mediatik apo shërbimesh marketingu

Women.al – faqe kushtuar femrave

SME.al – faqe projekti apo studimesh për SME-te

Web-Design.al – agjenci dizajni faqesh ne internet

OurJourn.al – ide për faqe gazete apo blogu kolektiv

x-v.al – faqe mister

Gazetasot.al – faqe gazete

007.al – faqe superheronjsh

AlbTv.al – faqe informative

AutoTental.al – faqe për makina me qira

AlbaVision.al – faqe informative

Doctor.al – shërbime mjekësorë

Drugstore.al – shërbime farmaceutike

Markets.al – faqe informative

KozmetikaIme.al – faqe informative

ops.al – gjeje vete

Voto.al – faqe për fushate zgjedhjesh

Votoj.al – faqe për fushate zgjedhjesh

Expedition.al – shërbime turistike

ShitjeMakinash.al – faqe për shitje makinash

Tour.al – agjenci turistike

Sfida kryesore me domain-et sot është gjetja e adresës që ju intereson pasi adresat me .COM janë ndër më të kërkuarat dhe po ashtu ka ndodhur edhe me ato që përfundojnë me .AL

Por duke qenë se adresat me .AL janë bërë të disponueshme më vonë, normalisht edhe mundësia e gjetjes së adresës së dëshiruar është më e madhe.

Gjithashtu, sugjerohet fort që nëse biznesi, organizata apo projekti juaj është në Shqipëri, atëherë edhe adresa e domain-it tuaj është më mirë të jetë me .AL (p.sh. kompaniajuaj.al / organizata.al / etj.)

Hapat për të regjistruar domain-in e dëshiruar

Hapat e mëposhtëm ju tregojnë se si mund ta bëni lehtësisht regjistrimin e adresave që përfundojnë me .AL .Com, .Net .Org etj. nëpërmjet shërbimit tonë WebHost.al

Sqarim: Ky blog dhe shkrimet tona vijnë si pjesë e shërbimit që ne dua t’u ofrojmë klientëve tanë kështu që rrjedhimisht edhe shembujt në një rast si ky janë direkt nga faqja jonë.

https://www.webhost.al/sq/home.html

0. Zgjidhni gjuhën e faqes

Nëse nuk ndiheni rehat me gjuhën angleze, atëherë sigurohuni që faqja t’ju shfaqet e gjitha në gjuhën shqip, të paktën për pjesën e regjistrimit të domain-it dhe hostit. Në botën e internetit anglishtja apo një gjuhë tjetër është e domosdoshme, ndaj mbase mund t’ju ndihmojë edhe një mik gjatë procesit të regjistrimit që gjithçka të dalë me sukses.

1. Vendosni dhe kërkoni dhe për adresën e dëshiruar

Ndonëse në dukje e vendosja apo zgjedhja e adresës që ju dëshironi mund të jetë e thjeshtë, ajo që ju sugjerojmë është që adresa të jetë sa më i thjeshtë dhe e lehtë për t’u mbajtur mend. Pra, nëse doni që njerëzit ta fiksojnë kollaj dhe ta përdorin adresën tuaj, atëherë sigurohuni që edhe adresa e zgjedhur t’i përshtatet këtyre kritereve të thjeshta por jetike për adresën tuaj virtuale!

Nëse ju e keni zgjedhur adresën, atëherë nuk ju ngelet tjetër veç se të kërkoni për të parë nëse është ose jo e disponueshme për t’u regjistruar.

Nëse adresa që ju kërkoni nuk është e disponueshme, atëherë mendoni për një adresë të ngjashme ose një zgjidhje tjetër të përafërt.

2. Procedoni me porositjen e domain-it

Procedura është mjaft e thjeshtë, mjafton të ndiqni hapat (shihni imazhin). Mbi të gjitha ju mund të vendosni që tani nëse dëshironi ta bëni rinovimin e pagesës së domain-it tuaj një herë në vit ose mund të paguani për disa vite njëherësh.

Gjithashtu, ju mund të zgjidhni të porosisni edhe një apo disa domain-e të tjera për t’u siguruar që ato nuk regjistrohen nga dikush tjetër.

3. Regjistroni informacionet e hostit tuaj (nëse keni)

Nëse i lini të dhënat e “nameservers” ashtu siç janë, atëherë ju lehtësisht mund ta hostoni faqen tuaj në serverin tonë ËehHost.al

Duhet të sqarojmë një detaj shumë të rëndësishëm këtu, pasi tarifa e hostimit është ndryshe nga ajo e regjistrimit të domain-it. Por WebHost.al ofron disa paketa hostimi të cilat e sigurojnë domain-in tuaj “falas” si pjesë e tarifës totale të paketës së hostimit.

Nëse faqja juaj nuk do të hostohet te hosti ynë, atëherë ju duhet të siguroni tani ose më vonë informacionet për “Nameserver” të hostit keni zgjedhur apo dëshironi të zgjidhni më vonë.

4. Shtoni informacionet e kontaktit dhe zgjidhni mënyrën e pagesës

Kjo është edhe pjesa e parafundit për regjistrimin e suksesshëm të domain-it tuaj si dhe krijimin e një llogarie brenda sistemit tonë nga ku mund të kontrolloni të dhënat e domain-it si dhe informacione të tjera që lidhen me hostin, pagesën, etj.

Për sa i përket mënyrave të pagesës, aktualisht ne ofrojmë këto tre mënyra bazë:

• Me PayPal
• Me kartë krediti (interneti)
• Me transfertë bankare (në llogaritë tona)

Nëse keni ndonjë pyetje apo koment tjetër, mund ta lini te po e njëjta faqe përpara se të përfundoni porosinë tuaj.

5. Konfirmoni pagesën & mesazhet konfirmuese

Pasi të keni konfirmuar detajet dhe të keni kryer pagesën tuaj, do t’ju vijnë nga sistemi ynë mesazhet konfirmuese me të dhënat e llogarisë tuaj në sistemin tonë si dhe informacionet e pagesës në rastet kur keni zgjedhur të paguani me “transfertë bankare”.

Në këndvështrimin tonë, pyetja është mjaft e qartë dhe dilema është e thjesht; pse duhet të paguaj për një shërbim hostimi kur shumë prej gjërave që dua të bëj mund t’i realizoj lehtësisht nëpërmjet një shërbimi falas siç është platforma e Google – Blogger.com apo WordPress.com që ofron edhe një nga platformat më të mira CMS për publikimet në internet.

Nga eksperienca mund të themi se shumica e njerëzve e fillojnë aventurën e tyre online duke krijuar një faqe falas nëpërmjet platformave si ato që përmendem pak më sipër. Por me kalimin e kohës, rritjen e nevojave si dhe aftësive teknike, shumica i kalojnë faqet e tyre në platforma apo shërbime hostimi me pagesë ku më pas kanë mundësinë që të rriten dhe të përmbushin më mirë nevojat e tyre online.

Thënë ndryshe; nëse nuk keni krijuar ndonjë herë një faqe apo nuk keni shumë eksperiencë me menaxhimin e faqeve, platformat e hostimit falas, janë mjaft të mira për të krijuar ato aftësitë dhe njohuritë bazë, por nëse e keni kaluar këtë fazë apo thjesht dëshironi të prezantoheni sa më profesionalisht, atëherë duhet të kaloni në diçka me pagesë.

Blerja e një pakete hostimi është diçka relativisht e thjeshtë, dhe po ashtu është edhe krijimi apo ngritja e faqes tuaj, ndonëse kjo mund të jetë teknikisht e vështirë për disa.

Tani përtej sugjerimeve apo komenteve tona, do donim shumë të dëgjonim mendimet, sugjerimet, sfidat dhe avantazhet që kanë këto dy alternativa, pra hostimi falas dhe ai me pagesë i faqes tuaj.

Mirëpresim komentet nga eksperienca juaj.

A mjafton vetëm faqja e Facebook-ut për një biznes?

A do t’i besonit një ‘mesazhi zyrtar’ me email nga një biznes apo organizatë e mirënjohur nëse mesazhi do t’ju vinte nga një domain si p.sh. biznesi@gmail.com apo kompaniaX@hotmail.com ose adresaeshefit@yahoo.com ?

E pra, kjo është situata në të cilën gjenden mjaft biznese shqiptare të cilat dukshëm nuk e marrin seriozisht prezantimin që bëjnë te klientët potencialë apo bashkëpunëtorët e ardhshëm sa herë që u dërgojnë një mesazh nga një adresë e përgjithshme (gmail.com / yahoo.com / Hotmail.com / etj.) dhe aspak profesionale!

Në dukje çështja e adresës tuaj të email-it mund të anashkalohet si një gjë mjaft e vogël, ose aspak e rëndësishme, por ka disa arsye dhe argumente pse duhet të filloni ta mendoni ndryshe këtë gjë.

Si fillim, le të nxjerrim listën me justifikime pse mjaft persona nuk e konsiderojnë nevojën për të pasur një adresë profesionale!

• Kam vite që e kam këtë adresë
• E kanë të gjithë kontaktet që kam
• Nuk di të hap një adresë tjetër
• Hapja e një adrese tjetër është humbje kohe
• Njerëzit më njohin dhe e dinë që kjo është adresa ime

Biznesi apo organizata juaj ka gjithnjë nevojë që të përfaqësohet në një mënyrë sa më profesionale dhe rrjedhimisht të besueshme. Profesionalizmi është baza mbi të cilën klientët dhe bashkëpunëtorët tuaj mund të ndërtojnë një marrëdhënie afat-gjatë me ju, ndaj çdo detaj është i rëndësishëm për të përçuar një imazh sa më profesional. Adresa juaj e email është thjesht një detaj, por në botën e sotme dixhitale adresa juaj e email është shpesh dera kryesore e komunikimit efektiv dhe profesional.

Atëherë le t’i përgjigjemi ‘justifikimeve’ të mësipërme:

Kam vite që e kam këtë adresë

Adresa personale nuk duhet dhe nuk mund tw jetw adresa juaj profesionale. Ndaj nuk keni nevojë që të ngeleni peng i një adrese kur në çdo rast keni mundësi t’i bëni ‘forward’ të gjithë mesazheve që ju vijnë te adresa juaj e re si dhe t’i njoftoni kontaktet tuaja që t’ju kontaktojnë në të ardhmen te adresa juaj profesionale.

E kanë të gjithë kontaktet që kam

Nuk është e thënë që ju ta fshini fare adresën tuaj origjinale, mjafton t’i njoftoni kontaktet dhe t’i tërhiqni mesazhet që ju vijnë direkt te adresa juaj profesionale. Ka mjaft mënyra për ta bërë këtë dhe nuk kërkon ndonjë aftësi të lartë teknike.

Nuk di të hap një adresë tjetër

Nëse përdorni shërbimin tonë (email hosting me 10 euro/vit), atëherë hapja e një adrese të re profesionale është mjaft e lehtë pasi mjafton të zgjidhni domain-in që dëshironi dhe më pas mund të krijoni adresën tuaj dhe ato të biznesit tuaj me një domain unik dhe sigurisht profesional.

Hapja e një adrese tjetër është humbje kohe

Është e vërtetë që në fillim mund të duhet pak punë sa të bëni kalimin dhe të mësoheni me adresën e re, por krijimi i një adrese profesionale për biznesin/kompaninë apo veten tuaj është një investim afatgjatë në imazhin dhe profilin tuaj profesional.

Njerëzit më njohin dhe e dinë që kjo është adresa ime

Dakord! Tani mund t’i njoftoni që keni një adresë të re dhe madje me këtë rast mund të përditësoni edhe ‘firmën’ (signature) në fund të mesazheve tuaja ku adresa juaj sigurisht do shërbejë në të mirën profesionale të biznesit/organizatës dhe sigurisht tuajën personalisht.

Mbase ne nuk i kemi mbuluar mirë arsyet/justifikimet që njerëzit kanë! Atëherë mos nguroni të jepni mendimin/argumentin tuaj te komentet këtu poshtë. Ju faleminderit.