Gjatë gjithë këtij artikulli, ne do të mbulojmë se çfarë është malware saktësisht, si faqet e internetit dhe kompjuterat janë infektuar me të, dhe sugjerime se si të mbroni komputerin dhe faqen tuaj te internetit nga sulmet e mundshme.
Çfarë quajmë malware?
Vetëm fjala malware tingëllon e frikshme, dhe kjo është për shkak se ajo mund të ndikojë seriozisht, në mënyrë negative, në faqen tuaj . Malware është një shkurtim i termit “softuer me qëllim të keq” dhe përkufizimi i tij është pikërisht si duket: softuer i cili është projektuar për të dëmtuar ose për të fituar akses në një kompjuter ose faqe interneti, pa njohur pronarin e saj.
Si futet një malware në kompjuterin tim?
Hakerët gjithmonë kërkojnë dobësi në rrjet për të instaluar malware-et e tyre. Një gjë e madhe që pronarët e faqeve duhet të jenë të vetëdijshëm janë aplikacionet e vjetra. Aplikacionet vazhdimisht e përditësojnë kodin e tyre dhe programimin për të siguruar që aplikacionet të jenë të sigurt për t’u përdorur. Është në dorën e përdoruesve të këtyre aplikacioneve për t’i mbajtur ato të përditësuara.
Instalimi i programeve të softuereve falas mund të ketë malware të fshehur në kod që mund të dali ne sipërfaqe vetëm pasi të keni instaluar softuerin. Ndarja e skedarëve nga një vend në një tjetër, gjithashtu mund të jetë një çështje, sepse jo çdo kompjuter që ka ndarë skedarin mund të jetë i sigurt.
Pamja e kuqe e faqes në Google, si më sipër, i pengon vizitorët vazhdojnë në faqen e internetit për shkak të përmbajtjes së mundshme me qëllim të keq.
Vjedhja e të dhënave dhe lista e zezë e kërkimit
Malware mund të rezultojë në vjedhjen jo vetëm të të dhënave tuaja, por edhe të të dhënave të klientit tuaj. Asnjë klient nuk do të dëshirojë të përdorë shërbimet tuaja nëse zbulojnë se informacioni i tyre nuk është i sigurt. Konsumatorët shpejt do të gjejnë një zgjidhje më të sigurt për nevojat e tyre, nëse nuk veproni shpejt për të hequr nga faqja tuaj çdo gjurmë malware.
Një nga skenarët më të frikshme që një biznes mund të ketë në botën online është të listohet në listën e zezë nga motorët e kërkimit. Kur një faqe interneti është në listën e zezë, ajo nuk do të shfaqet në asnjë kërkesë përkatëse dhe në thelb fshihet nga faqja e internetit.
Si të parandaloni malware
1. Një nga këshilla më e lehtë, por më e rëndësishme, është që të merrni një softuer antivirusi për kompjuterin tuaj. Ai do t’ju mbrojë nga shkarkimet që bëni në internet.
2. Mbani të gjitha aplikacionet e palës së tretë të përditësuara. Faqet e bazuara në WordPress dhe Joomla vazhdimisht janë duke u përditësuar, prandaj sigurohuni që edhe faqja juaj e internetit të përditësohet.
3. Gjithashtu, inkurajoni klientët tuaj të përdorin fjalëkalime të forta nëse ekzistojnë forma ose regjistrime në faqen tuaj te internetit. Një fjalëkalim i dobët mund t’i japë një hackeri akses të lehtë. Fjalëkalimet e forta duhet të përfshijnë numra, karaktere, shkronja të mëdha dhe të vogla.
4. Certifikatat SSL janë një mënyrë tjetër për të mbajtur faqen tuaj të mbrojtur mirë. Ky funksion i sigurisë krijon një lidhje të koduar dhe siguron që të gjitha komunikimet midis shfletuesit të internetit të klientit dhe faqes suaj të internetit të jenë plotësisht të mbrojtura. Nëse faqja juaj e internetit kërkon që klientët të shkruajnë informacion mbi kartën e kreditit ose të dhënat personale, një SSL ju ndihmon për ta koduar atë informacion dhe për ta mbajtur të sigurt nga hakerat.
5. Gjithashtu siguroni qe te perdorni backups, rikthimin në gjendje të mëpërparshme të faqes tuaj në mënyrë që të jeni të përgatitur të rivendosni të dhënat e faqes për cdo rast rreziku.
