Si e dini që faqja juaj është efektive? WordPress e bën të lehtë ndërtimin e një faqe interneti, por kjo nuk do të thotë se e bën të lehtë ndërtimin e një faqe të mirë. Po j’u listojmë disa nga gabimet që bëni me faqen tuaj.
Disa nga gabimet më të shpeshta në faqen e internetit janë:
Faqja ka shumë mesazhe
Të gjithë kemi vizituar një faqe ku nuk dimë ku të klikojmë së pari.
Ju mund të dëshironi të blini një produkt por u çoroditët nga një sërë butonash dhe reklamash.
Zgjidhja: mbajeni të thjeshtë. Udhëzoni vizitorët tuaj për atë që dëshironi që ata të shohin. Çdo mesazh që vendosni në faqen tuaj duhet të zbatojë përfitimet që një përdorues duhet të marrë.
Faqja ngarkohet shumë ngadalë
Kjo është statistikë: nëse faqja juaj e internetit kërkon më shumë se 5 sekonda për të ngarkuar, shumica e njerëzve do të largohen, në vend që të presin më gjatë. 5 sekonda! Kjo nuk është shumë kohë, apo jo? Kështu që duhet të sigurohemi që faqja të optimizohet për t’u ngarkuar shpejt.
Një nga gjërat më të mira që mund të bëni për të rritur shpejtësinë e ngarkesës së faqes është të zgjidhni imazhet për faqen e internetit. Imazhet e mëdha ngadalësojnë faqen tuaj.
Lexoni shkrimin e bërë nga ne në lidhje me ngarkimin e faqes:
Faqja ime po ngarkohet ngadalë. Çfarë duhet të bëj?
Nuk është e optimizuar për mobile.
Ky është një nga gabimet më të mëdha që mund të bëni. 60% e vizitave në internet bëhen në telefonat celularë dhe ju duhet të siguroheni që faqja juaj e internetit të duket e mirë dhe funksionon mirë në celular.
60% është një numër i madh. Imagjinoni nëse 60% e vizitorëve largohen nga faqja juaj sepse nuk funksiononte siç duhet!
Shkruani se çfarë bëni
“Homepage” është faqja e parë që njerëzit vizitojnë, dhe vendi i përsosur për të shpjeguar se çfarë ju ofroni apo bëni. Mendoni për atë që ofroni dhe çfarë ju veçon nga konkurrenca juaj. Shpjegojeni thjeshtë dhe shkurt.
Duke pasur një informacion të dobishëm në faqen kryesore, lejon njerëzit të shohin shpejt nëse ata janë në vendin e duhur apo jo.
Nuk postoni në blog rregullisht
Nëse keni një seksion blogu në faqen tuaj dhe nuk angazhoheni për të shkruar, atëherë po beni një gabim të madh. Një blog që nuk është përditësuar për shumë kohë nuk duket mirë. Kjo do tregojë sikur nuk jeni të pranishëm në biznesin tuaj. Plus, po humbisni ndarjen e njohurive tuaja me të tjerët, marketingun e faqes tuaj dhe shfaqjen tuaj tek të tjerët si një ekspert i fushës.
Blogimi nuk është 100% i nevojshëm për çdo biznes por është një strategji e madhe marketingu.
Navigimi i vështirë i menusë
Nëse njerëzit nuk mund të gjejnë faqen që po kërkojnë, ata ndoshta do të braktisin faqen tuaj shumë shpejt. Menuja kryesore, në faqen tuaj, nuk duhet të jetë e mbushur shumë dhe t’a lë klientin tuaj duke menduar se ku duhet të shkoni më tej. Organizoni menu-në tuaj në mënyrë që përmbajtja më e rëndësishme të shfaqet në fillim. Përdorni menutë zbritëse për t’a bërë navigimin më të lehtë.
Asnjë thirrje për veprim
Pa marrë parasysh se çfarë lloj përmbajtjeje po postoni, gjithmonë duhet të keni një lloj thirrjeje për veprim.
Një thirrje për veprim ka të bëjë me sjelljen e njerëzve në faqen tuaj.
Diku në faqen tuaj , mundësisht në fund, duhet të ketë diçka që njerëzit mund të shtypin ose të plotësojnë në mënyrë që ata të mund të njoftohen kur publikoni përmbajtje të re. Mundohuni të mos përdorni pop-ups që shfaqen kur një lexues është në mes të një artikulli pasi këto mund të jenë të bezdisshme.
Nëse jeni të interesuar për të marrë më shumë informacion lexoni artikujt e mëposhtëm:
